恭喜晒！
36歲李泳漢今年1月與圈外女友嚴佩鈺（Conny）雙喜臨門奉子成婚，前日老婆順利為他誕下6.4磅兒子，取名Alfie。趕及在父親節前榮升父親，李泳漢揚言以後錫BB之餘，更要愛錫太太多些，同時更會每月儲一萬港元為囝囝準備教育基金。
初為人父的李泳漢透露太太的生產之路並不容易，原本預產期在本月尾，但因為太太懷孕期間曾經五、六次出血，加上子宮頸較短，醫生擔心出現胎盤剝落會對BB有影響，故提早於懷孕38周催生。李泳漢陪太太於周一凌晨入院，經過五、六小時後，囝囝終於健康出世。囝囝趕及周日父親節前誕生，讓李泳漢收到最佳的父親節禮物。
讚太太堅強
對於愛子出世，李泳漢難掩喜悅，大讚太太堅強，並說：「我以為自己會喊，但最後都冇，老婆生之前情緒唔係好穩定，一嚟擔心BB嘅健康，又怕痛，仲亂諗嘢驚我離開佢，見到老婆咁辛苦生個仔，都想同快將成為人父嘅人講，錫BB緊要，但太太都好緊要。」
BB表情多多
李泳漢感激醫護人員的幫忙，令母子平安，他透露囝囝已改英文名Alfie，至於中文名則有待相士改。問到囝囝似邊個？他說：「個仔似我細佬，亦有啲似爺爺（李家鼎），新生命帶畀屋企好多歡樂，我哋曾經歷過黑暗期，依家見到BB表情多多，令個個都開心晒！」李泳漢又佩服老婆產後堅持餵哺母乳的毅力，更說自己都要更努力，計劃每月儲一萬港元，做BB將來的教育基金。
來源 source: http://hk.on.cc
|
鍾意就快D Share啦！
|
|
|