李珊珊諗到用呢個方法嚟行善，小編只係想送「女中豪傑」四個字畀佢。
現年38歲嘅前港姐李珊珊，喺微博宣布將於1996年獲得的香港小姐冠軍獎品，價值過百萬的鑽石后冠作公開拍賣，所得款項，將在不扣除任何經費情況下，全數捐助六間慈善機構，而呢件事曝光之後，即刻引發全城熱烈討論。
珊珊事後接受《東網》記者訪問，再度強調五年前開始已經有相關想法，並直認明白會有人反對或質疑這個決定：「我完全諗通咗，依家嘅社會做乜嘢都會畀人話，我又唔係殺人放火，只係想做善事，今年六月二日就係我攞港姐冠軍廿周年，如果錯過呢個咁好嘅日子，唔知又要等幾多年。」
強調無絕症
由於珊珊近年被指患腦瘤，最近消息更又再瘋傳，雖然她已第一時間否認，不過她在敏感時期毅然決定捐出后冠，令網民再度有所揣測，對此珊珊笑言：「唔使擔心，我唔係身故呀！未死得，絕對冇病，唔好亂諗，只不過咁啱廿周年，錯過咗呢一日，就會冇咗呢份勇氣㗎喇！我有呢個想法已經五年，唔好搞到呢件事，好似勸人戒煙嘅肺癌忠告咁啦。」
雖然珊珊擔心相關做法會惹嚟非議，但其實無論藝人定網民都對佢呢個做法大表欣賞同支持。同為前港姐冠軍嘅楊思琦，大讚珊珊有善心，思琦妹說：「珊珊可以將呢樣咁重要嘅物品同其他人分享，同埋有呢份心去幫人，真係好值得欣賞。」
網民讚瀟洒
至於另一位港姐冠軍袁詠儀，雖表示自己未必會賣后冠，但亦對珊珊做法大表支持：「捐出去可以幫助有需要的人，同埋賣咗個冠，唔代表你唔係冠軍。」而無綫企業傳訊部副總監曾醒明亦力讚珊珊當選港姐後一直致力行善：「一直善心爆棚，做善事不遺餘刀，佢有呢個行動，都係佢個人心願。」
就連網民，都力撐珊珊，大讚佢好瀟洒，仲有人留言祝福佢：「其實都係身外物，可以變到錢幫到人係好事，祝佢身體健康，開心快樂。」
來源 source: http://hk.on.cc
|
鍾意就快D Share啦！
|
|
|