訪問中，劉錫明仲爆料話至今從未同倪震有過一面之緣，佢哋跟本唔認識，佢話：「我未見過倪生，純粹係美麗誤會。」加上事發後，劉錫明甚少在港靈面，回來都係探母親聚天倫，跟本冇機會接觸倪震同周慧敏。劉錫明自問係yes man，基本行事待人乜都yes，永冇托手踭，佢話：「做人蝕底少少唔怕，最緊要係蝕得起，我乜都只會向前看。」問到劉錫明有冇覺得如果當年冇畀倪震玩殘，今日喺香港演藝成績一定唔止咁？佢話：「人生冇得如果，有早知就冇乞兒，即使plan好，分分鐘都會因為一件事，甚至一個電話會打亂晒，做嘢最好順其自然。」倪震08年都就事件道歉過，總算叫知錯，但劉錫明真係從冇將事件放心上，佢覺得冇需要道歉，如果將來有機會見到倪震，想同佢講乜嘢？劉錫明話：「祝佢身體健康，有健康就乜都唔使擔心，唔使愁。」依家有幸福家庭嘅劉錫明，更珍惜現在擁有一切。有指佢精於紫微斗數，原來他已研究咗20幾年。那當年有冇算到自己會有「毒瘤明」呢個劫？佢話：「當年係算到自己嗰幾年有是非，知道94年9月係會有好大變數，一辰沖三戍，估唔到係沖去台灣，唔係柴灣。」雖然有劫，但佢話算到自己一世會行運，佢話喺娛圈打滾，是非好少事，相對政治同商界，是非簡單好多。劉錫明安於現狀，樂天知命，令佢全身充滿正能量。佢仍然熱愛呢行，永不言休，即使將來囡囡要入行，佢話都順其自然唔阻止。依家互聯網發達，即使囡囡搜尋到爸爸當年「毒瘤明」新聞，佢話會樂於父女分析討論，希望借事件教育囡囡。如何練就咁高EQ操守，劉錫明分享「三秒心得」，佢示範定神深呼吸，並解釋：「好多時人生決定性就喺呢三秒，要閉氣深呼吸，改變一生，人生好多錯誤就係一時衝動。」______________________________
再講一件舊事。圖中有位貌似黃浩的男子，一臉憨厚，係，佢真係徐淑敏老公黃浩。94年時，黃浩仍是劉錫明經理人，因不忿倪震喺《YES！》周刊大踩劉錫明為「毒瘤明」，曾出版過數期雜誌《 Yeah！》反嘲倪震為「打尿震」，又指倪心胸狹窄和語無倫次等。好想睇番。
| 攝影：陳俊強 |  |  |
 |  |  倪震終於娶了玉女敏 |
 劉錫明也娶得賢妻、台灣籍太太張齊玲。 |  囡囡今年都13歲。呢張相當然係好耐之前。 |  轉戰台灣及大陸後，劉錫明曾多次返港做宣傳 |
 呢次…08年接受《蘋果》專訪，重看陳年《YES!》 |  佢係咪好似黃浩？佢真係黃浩。當年佢做過劉錫明經理人，仲出過本《Yeah!》反插倪震㗎！當年係1994年。 |  呢個表情嘅黃浩，比較似依家嘅黃浩。 |
|
鍾意就快D Share啦！
|
|
|