日本有得玩啦，香港玩家是咪好葡萄呢？話晒「I Love Pokemon，日日鍛鍊去取勝」，呢個驚險刺激的冒險旅程，隨時輪到我哋，所以小編已忍唔住用「旁門左道」事先下載定遊戲，順道Cap埋畫面逐個步驟教大家超基本開局需知，比卡超點入手？跟住嚟啦，比卡！
1：遊戲是採用Google定位系統去玩的，所以開Game要用大家的Gmail帳號登記，無就快快申請番一個。
2：選擇訓練員性別，跟住可以設定角色造型，如頭髮顏色、瞳孔顏色、背包款式等。
3：Professor Willow會先出來廢噏幾句，然後畫面就會逐一出現俗稱「御三家」的3隻小精靈：紅色火屬性小火龍、藍色水屬性車厘龜、綠色木屬性奇異種子，叫玩家點選捕捉。
4：毋須心急捕捉，只要令3隻小精靈吊住你尾，大約Refresh 4次GPS定位後（以小編坐緊車開局為例，大概5分鐘內），畫面會顯示埋比卡超出場！It's Time To Catcha！！！
5：遊戲會自動啟動相機鏡頭，比卡超已在小編面前的椅背！按緊精靈球，見到圍繞小精靈的圓圈收細時，往正前方拋物線投出，捉到喇！
6：捕捉小精靈基本有100xp（經驗值），新發現物種更會多加500xp，此外也會獲得餵食後強化小精靈攻擊力的Stardust（星塵），以及進化小精靈用的Candy（糖果）。
7：小精靈圖鑑畫面，上方顯示的CP值就係小精靈攻擊力，點擊比卡超仲可以欣賞佢嘅攻擊演出。
8：遊戲透過GPS定位實時在玩家身處的地方去找尋小精靈。要注意圖中藍色懸浮方體為Pokestop，到訪時點選並轉動標示就有機會獲得精靈球、星塵、糖果、孵蛋器等道具。留意轉動後方體會變成精靈球標誌，短時間內大家無法重覆轉動拎道具。後方紅白色高塔就係Poke Gym訓練場，現階段無用，遲啲再介紹，大家到達等級5才可解鎖。
9：點選畫面右下方可見用作顯示小精靈出沒範圍的Footprints腳印，1個腳印代表方圓100米，3個腳印代表方圓300米，當發現小精靈時手機就會有震動提示。
10：隻Game並非課金抽小精靈，「人品」於遊戲作用不大，亦唔建議畀錢買道具，因為到訪Pokestop有大把。道具方面可留意Incense香水，使用後可在角色身上散發香氣，限時30分鐘，吸引小精靈埋身。
11：玩呢隻Game要長期啟動GPS，故超級食電，遊戲中用兩個選項可為手機慳些少電，第一個是去Setting點選Battery Saver，咁閒置手機時畫面會變暗。此外捕捉小精靈時畫面右上方有AR選項，關掉就會取消實境功能，變成綠草如茵的遊戲畫面，但唔影響捕捉。
|
鍾意就快D Share啦！
|
|
|