網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年7月23日 星期六

【「俾緊壓力我」】被貼追數街招 老公再被爆破產 查小欣:你信唔信有冤案? __,查小欣,

當一件事,重複又重複出現,咁…呢個究竟…由14年開始,查小欣同老公李學斌,已先後數次俾人貼街招追數。街招上,更有其疑似老公李學斌嘅身份證影印本同聯絡資料。今年6月初,再有查小欣同李學斌嘅追數街招,貼喺尖沙嘴嘅大街大巷。查小欣當時回應傳媒查詢時,就話:「其實都講咗3年,都好無奈,人在暗、我在明,我都唔知佢係邊個!如果搞咗咁耐,有人爭佢哋錢,就咁貼街招就算,會咁好人?佢哋都知我係邊個,又知我嘅地址,佢 ...




其他影片:>>






當一件事,重複又重複出現,咁…呢個究竟…由14年開始,查小欣同老公李學斌,已先後數次俾人貼街招追數。街招上,更有其疑似老公李學斌嘅身份證影印本同聯絡資料。今年6月初,再有查小欣同李學斌嘅追數街招,貼喺尖沙嘴嘅大街大巷。查小欣當時回應傳媒查詢時,就話:「其實都講咗3年,都好無奈,人在暗、我在明,我都唔知佢係邊個!如果搞咗咁耐,有人爭佢哋錢,就咁貼街招就算,會咁好人?佢哋都知我係邊個,又知我嘅地址,佢哋其實可以直接用正式途徑追討……」。(相關新聞: http://bit.ly/2awRDqJ )欠債街招仍未解決,但到前日,再有讀者文先生向本報爆料,指李學斌喺今年5月25日,已經俾破產管理局頒令破產,更附有破產管理局嘅相關檔案文件。文件上,債務人名稱為「Lee Hok Bun」。文先生喺電話中講:「其實7月中已經有報紙刊登咗佢破產嘅資料。下個月4號,破產管理局就會舉行債權人大會,到時希望債主可以出席到,攞番自己應得嘅嘢!咁佢哋(查小欣、李學斌)就唔使再驚咩係明咩係暗」噚日《蘋果》致電查小欣,問到老公係咪俾破產管理局頒佈破產,查小欣最初斬釘截鐵否認:「我只可以答你,呢個係唔正確。」當記者再問及月中報紙刊登之破產人士名單中,有李學斌嘅英文名稱時,查小欣就話:「我冇聽過呢樣嘢喎……我覺得好好心囉啲人,啲人咁好心俾咁多料大家,咁其實係想點呢?我諗作為傳媒啦,或者作為一個旁觀者,都心知肚明嘅,但係佢要咁樣,我都冇辦法!」至於問到舊年6月,有報道指李學斌俾人入稟法院追債百萬,查小欣就表示:「你哋信唔信有冤案呢,唔出聲唔代表有,而係有好多嘢冇人可以相信到。呢個世界係好奇怪嘅,如果相信有冤案嘅呢,咁我就覺得,都仲有啲明眼人去睇呢件事。不過我都唔想再答呢個啦,因為我覺得呢個咁有心嘅人,打緊一個消耗戰,消耗我嘅精神,同埋俾緊壓力我,雖然我冇(壓力)!」

日前有文先生向本報爆料,指查小欣老公李學斌已於5月破產,仲附上有關文件。 7月中有報章刊登破產人名稱,其中有「LEE HOK BUN」嘅英文姓名。
查小欣同老公李學斌結婚多年,人前一直表現恩愛。
對於老公多次傳出欠債同有指喺5月,被破產管理局頒佈破產,查小欣就話自己唔知情。
二人近年經常孖實出席公開活動。

鍾意就快D Share啦!