港姐麥明詩（Louisa）的大狀律師男友林作，早前趁女友拍無線新劇《賭城群英會》期間，偷會舊校友索女Victoria（余穎洋），致戀情告急。雖然事後林作出冧招，食法國菜撐檯腳箍煲，仲公開發表：「我愛麥明詩」宣言！但據悉「作詩戀」凍過水，Louisa除公開講過「勉強無幸福」，亦向閨密哭訴，嬲林作放料又溝女，兩年情正式玩完。本報記者就分手事向麥明詩求證時，她透過WhatsApp回應：「分咗無話唔可以喺番埋，就算死話一齊又無話一定可以無事！」十優港姐果然識得掌握語言技巧。
雖然有指「作詩戀」現正係「冷靜期」，但據麥明詩身邊人爆料，自從6月17日Louisa含淚同林作食完「攤牌」餐後就冇見過面，其後僅以短訊聯絡，女方死心飛甩男友，甚至私下同朋友哭訴「分訊」，透露介意男友多女埋身外，最不滿自己經常被對方利用放料給傳媒做新聞，她卻蒙在鼓裏，敢怒而不敢言。
本報日前以短訊問她分手一事，她坦言已習慣回復單身，仲表示：「分咗無話唔可以喺番埋，就算死話一齊又無話一定可以無事！我係咁諗。o依家我哋係無見面。(係咪嬲佢『抄牌』？) 唔係抄牌喇，嗰個女仔佢哋以前有啲嘢。(嬲佢翻撻？) 一來啦。」
問到不滿被林作利用做新聞的說法？她卻避而不談，只淡然說：「始終兩個人嘅嘢周圍講唔係咁好。」言下之意，係咪怪林作周圍張揚戀情呢？！
來源 source: http://ww.circle01.com
|
鍾意就快D Share啦！
|
|
|