天王郭富城一向有型有款就大家都知，全身都係名牌貴野，
而新一代潮流教主余文樂更加唔洗講，有埋自家品牌，所有潮人都搶住買，
大家唔好以為兩個唔同年代既型男大纜都扯唔埋，
原來大家因為女人而傳不和既事係真既，
今日就有ＷＥＣＨＡＴ對話流出指城城同Ｄ女數臭樂仔！
睇黎不和傳聞係真。
郭富城最近負面報道不斷，上周被雜志指力追23歲留日女學生R小姐及M字頭嫩模，盡管城城及經理人小美都已經回應，但仍無阻後續報道陸續有來。據最新一期的雜志報道，城城與R小姐除了在微信互傳肉照及調情短訊，其中內容更談到城城好兄弟余文樂。
當R小姐向城城表示自己好憎余文樂時，城城更「加多一腳」，嘲余文樂「世界仔」，又藐爆佢衣著經常模仿他。郭富城、沈嘉偉、張智霖、余文樂平日四劍俠出入，向來予人「好兄弟」形象。不過為咗溝女，估唔到城城幫女不幫友。
日本女留學生 R小姐上周大爆城城花心，追自己的同時又兜搭其姊妹 M字頭o靚模。在 R小姐提供的微信內容中，除了調情短訊，城城亦有同 R小姐講波經，甚至評論「好好友」余文樂。
短訊中， R小姐曾向城城提到自己「好憎余文樂」，因為覺得他經常周圍黐人玩。城城表示同意，然後更以「世界仔」形容余文樂，更以「一般」來形容兩人關係，後來更指余文樂衣著抄襲他。對話當中，城城似乎對近年成功埋堆的余文樂有微言。
「出道嗰時，阿樂出嚟玩都係靠朋友關照。佢近年開始搵到錢，有能力買靚車買樓，兼埋到沈嘉偉堆，兩個仲愈來愈 friend。沈嘉偉、城城同張智霖本來係『三劍俠』，不過 Chilam近年忙於搵銀，樂仔就取代咗佢位置，成日跟住城城同沈嘉偉。樂仔喺兩位大哥面前好識撈，不過可能城城都係嫌樂仔未夠卡士啦!」知情人士透露。
其實城城同餘文樂都有好多共同嗜好，包括網聊o靚模呢鋪癮。余文樂之前亦曾因為網聊 LuLu（王璐瑤）出事。吸收過教訓的他，似乎沒有教精好兄弟城城。
今次 R小姐爆大鑊，直指城城花心，在追她的同時，亦溝 M字頭o靚模及其他好姊妹。據知 M字頭乃雜誌模特兒程芷渝（ Milla）。記者向 R小姐求證，她不欲多談，不過就透露咗：「個女仔姓程，其他我唔想再多講。至於佢同城城有冇嘢，佢哋自己心知肚明」
R小姐力數城城花心，在她和城城的微信中，更發現城城對「好兄弟」余文樂頗有微言。
表面上，郭富城、張智霖、余文樂 friend過打 band，不過原來城城眼中樂仔係世界仔一名。
交換肉照
城城近日以肌照換取 R小姐的相，而余文樂 2012年亦以飛毛腿出浴照，向o靚模 LuLu要求交換女方浴照。唔知今次係咪城城抄番余文樂呢?
o靚模咀城城曬命
近日再有消息，指城城除了 Milla外，亦搭上同樣愛玩賽車的 Cory（彭湘淇），更有指城城曾在 Instagram關注 Cory。講到 Cory， R小姐就火起：「我唔識 Cory，不過係有o靚模周圍同人講，話自己同城城咀過，覺得自己好威咁囉。不過喺城城嘅世界，錫過都唔叫喺埋一齊，都唔叫女朋友！」
一班後生女為了城城爭風呷醋，城城真是魅力沒法擋！講到溝女，城城比細佢 16年的余文樂，看來更得心應手。
記者至截稿前，仍未聯絡到余文樂。
指余文樂「世界仔」
R小姐向城城表示好憎余文樂，城城最初誤會樂仔是 R小姐前度。當 R小姐表示討厭樂仔是因為他是「菠蘿雞」時，城城即刻話樂仔「世界仔」，並堅稱自己同樂仔只是「一般」朋友。城城更同意樂仔造型有抄佢。
鍾情o靚模
除了鍾意車，城城同餘文樂近年都鍾情o靚模，余文樂亦追過 LuLu同 Janice Man，而城城同吳嘉熙就曬過合照。
近日余文樂在《賭城風雲2》和發哥飾演師徒，冧到發哥、王晶都咁開心，余文樂果然識做。
|
鍾意就快D Share啦！
|
|
|