謝婷婷真係靚到揼一聲呀！
謝婷婷出席Prada香港廣東道專門店重新開幕酒會，她以超低胸連身裙登場，大騷「胸」器。問到為何如此性感？她說：「唔係我揀，係佢哋（品牌）畀我，冇其他選擇，其他就係樽領，咁熱。（係咪因為宋慧喬嚟所以着到咁行？）唔係，點會同佢比，唔會咁。（豐滿咗喎！）係有內衣打底。（push咗？）唔係特登push。（你接唔接受隆胸手術？）我嘅身形就唔使，但有朋友做媽咪餵人奶後，胸部會下垂，餵人奶後（胸部）都會有大細嘅分別。」
笑謝賢口不對心
問到爸爸謝賢（四哥）是否即將80大壽？她說：「佢好唔重視，所以我逼佢坐低開會，真心問佢想唔想搞生日派對慶祝，叫佢畀個嘉賓名單我。我都有call佢幾個好朋友游說佢，不過佢係好想要一樣嘢，又怕麻煩到人，我有幾年唔記得佢生日，佢都話冇所謂。同埋佢呢排肋骨痛，我話不如去陪佢，佢又話唔使。（佢口不對心？）係，所以做咗個formal嘅會議，最後就係搞唔搞都冇所謂，主要都係自己一家人食飯，我覺得唔單止佢係我親生爸爸，人好難有80歲，等90歲再搞就可能會後悔。（哥哥有冇畀意見？）哥哥有畀意見，但家事都係畀我揸主意，我都有留空間畀佢，如果佢想搞嘅話，81歲都可以。（畀驚喜爸爸？）又唔可以驚喜，因為件事太大，一搞就一千人，佢話細搞就一百人，大搞就一千人，所以我投降。（最後決定點慶祝？）會一家人食飯。（兩個孫都返嚟？）仲搞緊啲交通安排。」她又謂爸爸的正日生日是農曆七月三十，並將會在那幾天慶祝。
來源 source: http://hk.on.cc
|
鍾意就快D Share啦！
|
|
|