梁烈唯老婆今日入院待產喇～
藝人梁烈唯與腹大便便的太太駱保雯（Tina），今日下午12時現身養和醫院，見二人帶備一個小型行李箱和一個大袋。唯唯拖實腹大便便的太太，全程十指緊扣，並企定定影合照。問到梁烈唯是否陪太太入院待產，他表示：「要趕住上去，幫老婆辦手續。」
約一時半，唯唯再次現身接受傳媒訪問，問到即將為人父，心情如何？唯唯笑言緊張到不知道自己緊張：「佢要出嚟啦，一路準備房同床，仲記得有一晚老婆起身叫我買啲嘢，我仲想發脾氣，原來係買驗孕棒，好似尋日嘅事咁，時間好快，但最尾呢個星期好漫長。」他透露老婆擇日今天傍晚至晚上剖腹，但最後都要交由醫生看狀況決定，他又憶起昨晚發生的事：「尋晚老婆瞓先，因為我有鼻鼾聲，印象中佢推咗我一下。」
由於今日是年三十晚，他會一直陪住太太，但夜晚會跟家人吃團年飯，又笑太太未能同行。講到囡囡趕得切𢭃利是，他說：「終於有得賺番。（朋友嚟探佢？）生完母體會好攰，第一日未必想見人，已安排好時間，之前工作，有個嬸嬸已經畀定利是佢，好多朋友都好祝福，街坊仲話佢一定好得意，會錫佢，佢好有福氣。」
至於新年願望？他就希望囡囡健康開心：「以前無諗過做爸爸，到依家做到，開始諗佢讀書。」他指看新聞知道香港教育制度，有很多功課，他不想囡囡辛苦，開心就好，不會是怪獸家長？他笑謂：「依家話唔會，第時見到我係，唔好話我。」他又透露女兒中文名字未改，英文名就叫Karena，是他英文名Oscar與太太Tina加起來，意思是Oscar與Tina Win（贏）了一個女兒回來。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|