網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月27日 星期五

【不斷更新】LMF 薛凱琪做嘉賓 鄭中基囡囡獻聲唱賀年歌 __,中基,薛凱琪,鄭中基,

新年快樂呀!鄭中基一連四場《PLAYITAGAIN世界巡迴演唱會》今日年卅晚假紅館正式揭幕,相隔10年,暴龍哥終於重返紅館舞台!今晚個騷會係9點半開show,溫馨提示大家,年初一同年初三係8點15分開show,唔好去錯時間!【歌list不斷更新】1.《時間,人物,地點》2.《想愛你》3.《閉目入神+還以為》4.《救救我》5.《浪子心聲》6.《晴天陰天雨天》(鄭東漢合唱)7.《人若然忘記了愛》(鄭東 ...




其他影片:>>






新年快樂呀!鄭中基一連四場《PLAY IT AGAIN世界巡迴演唱會》今日年卅晚假紅館正式揭幕,相隔10年,暴龍哥終於重返紅館舞台!今晚個騷會係9點半開show,溫馨提示大家,年初一同年初三係8點15分開show,唔好去錯時間!【歌list不斷更新】

1.《時間,人物,地點》

2.《想愛你》

3.《閉目入神+還以為》

4.《救救我》

5.《浪子心聲》

6.《晴天陰天雨天》(鄭東漢合唱)

7.《人若然忘記了愛》(鄭東漢合唱)

8.《你的眼睛背叛你的心》

9.《相思無用》

10.電影歌曲Medley《Pulp Fiction/猛龍特警隊》

11.《大樂師》

12.《星光伴我心》

13.《我代你哭》

14.《製造浪漫》(薛凱琪合唱)

15.《甜蜜蜜》(薛凱琪合唱)

16.《八 二十八 八十八》

17.《基哥基哥》(LMF合唱)

18.《大懶堂》(LMF合唱)

19.《三生有幸》

20.《搬屋》

21.《無賴》

2338:安歌後,杜汶澤出場!一出到嚟佢就話:「呢幾年上大陸有啲麻煩!」全場拍手歡呼,杜汶澤話:「鄭中基演唱會正式收皮,嚟緊雞年,暴龍哥返咗廣西。」台下有觀眾叫:「《眼睛想旅行》。」杜汶澤話:「我唱親呢首歌都俾人_,你哋太膚淺,我都好耐無做演唱會嘉賓,領嘢啦,對上一次係容祖兒。你哋真係絕情,無人叫番鄭中基出嚟,好啦,鄭中基真係就咁就收咗皮。」然後就唱出《天各一方》。2332:鄭中基話:「因為呢個騷,有好多好耐無見嘅朋友,打俾我問有無飛,好多舊同事、反咗面嘅兄弟,同埋前度女友,當然我無俾飛啦,一陣上嚟打我兩巴點算,多謝所有愛我同愛過我呢個無賴嘅人。」之後唱出《無賴》。2319:鄭中基話:「要好多謝老婆余思敏,幫我生咗兩個小朋友,自己向來係浪子,無諗過會生小朋友,但o依家有小朋友先有型。」鄭中基同台下第一行嘅大女 鄭梓喬講:「要唔要起身同咁多位哥哥姐姐,鞠躬落佢哋幫補你書薄費。」然後落台畀個咪囡囡唱歌,囡囡好厲害咁唱晒成首賀年歌《恭喜恭喜》。2308:LMF出場,LMF唱出《基哥基哥》,鄭中基就幫佢哋彈結他。2303:鄭中基換上寶藍色西裝出場,唱出《八 二十八 八十八》,佢話首歌係講自己:「真係8歲就偷酒飲,仲飲Q醉埋,自細好任性,任性等我撞好多板,失去3樣好重要嘅嘢,係錢、錢、錢。仲有朋友、形象工作,好多朋友喺出事後唔見咗,掟個西瓜落海都唔蒲頭,反而好多少聯絡嘅有主動搵我。」2259:大螢幕播出攞金像獎男配角片段。2256:鄭中基話好多謝Fiona做嘉賓,Fiona話澳門演唱會都係自己俾錢睇,今次做嘉賓都無免費飛。鄭中基要落台換衫,臨走前話:「咁交個台俾你,唔好講爛gag。」Fiona問:「你去邊呀?」鄭中基話:「揸水呀,呀你鬼妹唔明㗎啦,無嘢啦。」2248:薛凱琪出場,兩人合唱《製造浪漫》同埋《甜蜜蜜》。2229:大螢光播出佢曾經演出過嘅電影片段,有《12夜》、《行運超人》、《龍咁威》、《惡人谷》同《低俗喜劇》。鄭中基又話:「前幾年拍戲,有機會唱吓主題曲,其實開紅館嘅機會係有嘅,前幾年係有期,但後來譚詠麟打俾我,你知好難托手踭,所以就讓咗俾佢,之後我又有期,但然後就到李克勤加譚詠麟,你知兩把口好難推㗎啦,於是又讓俾佢先有《左麟右李》,之後我又有,但到溫拿,5個人200歲,所以就俾佢哋。到今年仲大鑊,太極加溫拿,於是我叫我哋 band leader Patrick 同阿倫講機場博覽好呀,好多外國歌手西人喺嗰度開,你哋去開真係衝出國際,唔係_出國際,於是佢哋就去咗機場博覽。」之後又同觀眾話:「你哋好似聽我講嘢反應仲好過唱歌嘅。」2221:唱出《你的眼睛背叛你的心》同埋《相思無用》。2222:鄭中基問觀眾:「有邊個由我第一隻碟開始聽,如果有你哋一定知我喺台灣出先,當時留咗一把長髮,出嚟嘅時候係偶像派路線,好好笑㗎,嗰啲咩F4,言承旭全部抄我嘅。」台下有觀眾識笑,佢接住話:「有反應即係年紀有咁上下,係飲暖水嗰啲中女,中女唔使怕,我都係中基,未變巨基,你哋都未變巨女。」2216:兩仔爺一齊攞結他唱歌,期間鄭中基唔小心整跌另一支結他,然後話:「唔好意思呀!Joey Tang。」2200:螢幕播出鄭中基細個同爸爸媽媽合照、有揸結他、踩單車等生活照。鄭中基換咗套白西裝白褲出場,佢爸爸着住黑西裝,彈結他幫阿仔陪奏,唱《浪子心聲》。唱完《浪子心聲》之後,鄭中基就話:「我好喜歡《浪子心聲》呢首歌,我第一首學彈,上枱唱嘅都係呢首,你無聽錯係枱,我媽話3歲時每日開飯前都要跳上枱唱,唱完先俾大家食飯,而且呢首歌當年許冠傑錄嘅時候都係我爸爸彈,多謝爸爸遺傳同培養。」2152:唱《閉目入神》、《救救我》,之後佢又話:「我都寫好多歌,不過唔係首首plug,所以就變成冷門歌,有一首我一定要唱,係我當年「奶嘢」後寫俾自己,憑歌寄意嘅。」2146:鄭中基唱完《時間,人物,地點》後,開始同大家講嘢:「10年啦,對上一次喺紅館已經10年前。我聽講今晚啲飛好難買,所以2日前開會決定將個台移後啲,啲燈又移後啲,兩邊每場可以擠百零個位出嚟,啲搭台搭燈師父知道後就嗱嗱聲出去買,結果買得兩張,你哋真係勁,咁快手,終於知道咩叫一票難求。邊個想聽廣東歌?國語歌?跳舞?我都係問吓啫,香港邊有順應過民意㗎,你哋每一票都唔會影響今晚rundown。」2138:開場喇!身穿銀黑色長褸,一頭金頭髮彈住結他出場,第一首歌係《時間,人物,地點》!2137:啱啱熄燈,播出暴龍哥把聲,嗌觀眾落力拍掌尬,仲有呢句……「唔_好拍片,否則用牛歡喜塞你_哋把口,再掟_你哋出去!」2130:林敏驄同女伴,梁天埼、前有線嘅鄭文等一班主播同鄭中基老婆坐埋一齊。2135:個唱開三面台,依家觀眾入緊場中,但係場外就冇紀念品攤位。

開場,係咪等咗好多年呢?
暴龍哥同老竇鄭東漢一齊上台jam歌
同爸爸一齊唱咗兩首歌
仲播咗啲童年照 part 3 開始係電影歌曲
仲有性感女dancers伴舞
第二位嘉賓係Fiona
唱到攬頭攬頸 之後到LMF出場 接住係囡囡

來源 source: http://s.nextmedia.com
鍾意就快D Share啦!