新一年好快會搵到
歌手譚嘉儀現身電台宣傳新歌時，透露新歌是由自己同親哥哥一齊作曲，由自己親自填詞，歌曲就講述自己回憶往事，好似分手禮物一樣，送給舊愛。
問到舊情是否對自己影響很大，嘉儀表示：「係5年前一段感情，當時係和平分手，但係都好打打擊，因為大家都唔想分開，但係大家又喺唔同地方有唔同發展，所以無奈地分開。（用咗好耐時間放低？）三年時間去忘記呢段感情，依家冇聯絡，只係間中會收到email。」
提到現時感情狀況，嘉儀直言還是單身，但自己就唔心急，因為遇到合適對象先會拍拖，唔會因為有感覺而一齊，問到是否怕受傷？她謂：「唔想浪費大家時間，因為年紀都唔細。」另外，她笑言還未有合適對象，因為身邊全部都係好朋友，不過有時會叫林師傑介紹男仔自己識，但對方就取笑自己難頂：「其實我唔難頂，佢係講吓笑，笑我咁耐冇拍拖啫。」
來源 source: http://hk.on.cc
|
鍾意就快D Share啦！
|
|
|