網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月2日 星期四

鬍鬚曾爛攤子 美食車蝕入肉 [壹週刊 - 1408] __,M1,

特首候選人曾俊華雖然已經離任財爺,但仍然到場支持呢個自己一手創立的美食車先導計劃;不過,這計劃開始未夠一個月,就怨聲載道。八卦陣鬍鬚曾爛攤子 美食車蝕入肉成功入閘做特首候選人的曾俊華,兩年前提出美食車先導計劃,但家陣隨時留低一個爛攤子!二○一五年仲係做財爺的曾俊華,在財政預算案中提出將外地流行的美食車引入香港,又話希望賣魚蛋牛雜等本土食品。呢個計劃,今個月終於出籠,開頭係威係勢,成功吸引大批市民同 ...


特首候選人曾俊華雖然已經離任財爺,但仍然到場支持呢個自己一手創立的美食車先導計劃;不過,這計劃開始未夠一個月,就怨聲載道。

八卦陣

鬍鬚曾爛攤子 美食車蝕入肉

成功入閘做特首候選人的曾俊華,兩年前提出美食車先導計劃,但家陣隨時留低一個爛攤子!

二○一五年仲係做財爺的曾俊華,在財政預算案中提出將外地流行的美食車引入香港,又話希望賣魚蛋牛雜等本土食品。呢個計劃,今個月終於出籠,開頭係威係勢,成功吸引大批市民同遊客去排隊,就連曾俊華自己都去幫襯埋一份。

「大師兄」美食車負責人黃偉文指,政府現時對美食車限制過多,希望當局盡快完善有關制度。

但據《壹》仔了解,唔少參加呢個計劃的檔主,都大吐苦水,狂呻經營慘淡「蝕到入肉」,仲打算醞釀「罷賣」抗議。

究竟生意有幾慘淡?「大師兄」美食車負責人黃偉文話,試過最差全日營業額連一千蚊都冇,唔夠俾場租、隧道費、油錢同人工錢;另一架美食車「有得餃」負責人廖震豪亦同《壹》仔講,生意平均每日得二千蚊,根本無辦法維皮。

其實,雖然做生意冇話包賺錢,但美食車計劃本身唔係單純生意,當年政府牽頭搞這個計劃,亦為檔主設下不少限制。根據協議,美食車檔主每兩星期要換一次經營地點,用抽籤形式決定做生意泊車位置;《壹》仔聽聞,部分檔主計劃以「美食車要維修」為理由「罷泊、罷賣」,情願唔開工慳成本。

泊車地點抽「生死籤」

美食車計劃只係做咗三個星期,參加計劃的美食車仲未開齊檔,但已經搞到唔少檔主意興闌珊,其中一個大問題就係經營地點唔多妥。

有美食車負責人話,美食車停泊不同地點,生意額可以相差十倍以上。美食車現時有八個停泊點,但當中有四個位置是被業界視為死位。所謂死位,大致可以分成兩類,第一類係典型嘅「旺丁唔旺財」,例如係金紫荊廣場同海洋公園。

雖然表面睇,這兩個位置有大量坐旅遊巴的遊客出沒,但由於旅客在該處逗留的時間相對較短,再加上不少旅遊巴嚴禁飲食,結果根本無乜人走埋去幫襯。

至於第二類,就係只有特定日子同時段先有生意的位置,例如東九龍及中環海濱長廊。這兩個位置,平日最旺場的時段只在午市,或有大型活動舉行時,才會帶動人流兼帶來生意。

不過,有檔主則指,根據這兩星期觀察,就算舉行活動時有過萬人入場,都可能只得幾千元生意,名副其實「賺埋都唔夠蝕」。

中環的停泊位「瑟縮一角」,只有去廁所才會路經。

唔少車主最近都「借啲意」將架車維修或增加設備,變相「罷泊」來向死位說不。

廁所門口搵食

俊華當日引入美食車,但卻「兩頭唔到岸」,只引入概念,掣肘多多。香港的美食車,唔似外國般可以周圍走搵生意,只可以停留在八個指定地點。《壹》仔曾經實地視察,以中環海濱為例,美食車停泊位置「瑟縮一角」,如果唔係搵公廁,根本唔會見到;而金紫荊廣場的位置則偏離主要人流;至於海洋公園的停泊位置,就只有上落旅遊車的遊客才會經過。

《壹》仔在現場實測,發現在週五及週六下午時分,每小時都只得二至五位客人,檔主更指全日生意額只得幾百元至三千元不等。

不過,生意淡薄,美食車的檔主仍要交場租,每日租金以墊底費計算,最少六百多元。若果生意好時,營業額更要被政府抽佣百分之十五。至於政府提供的配套,就只有垃圾桶及電力供應。「連張枱都冇得擺!」有檔主向《壹》仔指,因為政府擔心美食車會搶去原本場地食肆的生意,所以對美食車諸多限制,他更咆哮說︰「租就照收,但就冇機會競爭,公平咩?」

大部分美食車的泊位租金超過六百蚊一日,但政府所提供的配套就只是電力及垃圾桶。

停泊喺「死位」的美食車,擺足半日都只係得幾百蚊生意。

狸貓換太子

有美食車烹飪挑戰賽評審爆料,指當年部分參加者搵一流廚師及選用一級食材贏得比賽,但如今投入實際經營便「狸貓換太子」。

目前有九輛美食車投入服務,查實能夠脫穎而出經營美食車的,都是曾經過五關斬六將,是美食車烹飪挑戰賽入圍得獎者,不過,有評審同《壹》仔爆料,話試過家陣美食車賣嘅製成品,覺得部分食物質素大不如前,無論用料抑或味道,都唔值得勝出比賽。

點解會咁呢?據指有部分經營者當日為咗贏比賽,就搵來一流廚師同選用一級食材「揼本」出戰,但贏完之後就「狸貓換太子」,所以,今日美食車的出品,並非當日評審選出的口味及質素,對於呢個情況,評審都非常無奈。

撰文:巫不言

news@nextdigital.com.hk


鍾意就快D Share啦!