網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月2日 星期四

靠大隻冧麥明詩 運動狂熱分子張存華 [壹週刊 - 1408] __,麥明詩,張存華,M1,

格仔餅(六嚿腹肌)是怎樣練成的,睇Emil輕易做到引體上升便略知一二。名人專訪靠大隻冧麥明詩 運動狂熱分子張存華鐵板神算董慕節的外孫張存華(EmilCheung)是運動員經理人,又是樂視籃球評述員,以往只在體育版出沒,直至本月初,同十優港姐麥明詩於淺水灣短敍斷正,被指同林作拗手瓜爭女後,Emil旋即成為娛樂版新貴。練得格仔餅(六嚿腹肌)跟身,兼手瓜起𦟌,平時又愛下廚煮幾味,冧女必殺技有齊,Emil ...


格仔餅(六嚿腹肌)是怎樣練成的,睇 Emil輕易做到引體上升便略知一二。

名人專訪

靠大隻冧麥明詩 運動狂熱分子張存華

鐵板神算董慕節的外孫張存華( Emil Cheung)是運動員經理人,又是樂視籃球評述員,以往只在體育版出沒,直至本月初,同十優港姐麥明詩於淺水灣短敍斷正,被指同林作拗手瓜爭女後, Emil旋即成為娛樂版新貴。

練得格仔餅(六嚿腹肌)跟身,兼手瓜起𦟌,平時又愛下廚煮幾味,冧女必殺技有齊, Emil不諱言所作的一切全為了他的最愛——籃球!反高潮吧!但當事人說起來雙眼發光,大抵這就是外間所指的運動癡!

一股傻勁

Emil愛運動愛到一個點,先是放棄金融策劃的高薪厚職,跑去做一個人工差一大截的體育記者,之後番書仔遇上汕頭大學籃球隊聘請營運總監,即使事前未實地視察過環境,合作協議都未簽,便一股傻勁拎住行李跑上位於揭陽的汕頭大學。每朝七點開會,一星期二十小時訓練,遇上飲食唔啱口味和居住環境惡劣到不能開窗通風的情況下,仍為球隊打點一年半,直到獵頭公司挖角到 Adidas Group才離開。「上到去我覺得係一個好好磨練,體育係我一個夢,我覺得有熱誠我係 live到,我應該幫有需要幫助嘅人。」 Emil雙眼有火地說。

自小是籃球校隊的 Emil,在美國讀大學時,曾帶領校隊鍊贏白人,成為聯賽冠軍。

本月初於淺水灣與麥明詩短敍斷正,事後 Emil大讚對方叻女、有吸引力。

Emil同時為樂視 NBA球賽擔任評述。

愛食更愛下廚的 Emil,每星期都會下廚試煮新菜,其中,自家製叉燒是他的拿手小菜。

我唔大隻

雙臂手瓜起𦟌,但 Emil非常抗拒俾人叫大隻仔。

在樂視兼任 NBA評述的張存華,不介意外間稱呼他「講波佬」,表示只要球迷認同他的專業便足夠。反而對於「大隻仔」的稱號抗拒至極。見 Emil操到手瓜起𦟌,忍不住問:「係咪食大隻奶粉㗎!」對方眉頭一皺說:「我唔係操到好大隻,我目標係打籃球 OK,唔受傷同埋健康囉……我唔會食嗰啲(大隻)奶粉。」

為了夠體力打波兼減低受傷, Emil一星期抽六日分組做高、中、低強度運動各兩組,其中高強度運動,會請教練為自己進行訓練。「我都希望有個叻人去 push我,最少(做)一個半鐘。」 Emil說。工作忙從來都不是 Emil的藉口,即使檔期排到滿,只要有半小時, Emil都會踩上跑步機走轉,當減壓。擁有健身教練牌的他還分享了一個保持靚身形的貼士,表示晚上謝絕碳水化合物,配合少鹽、少糖的飲食習慣,配合帶氧訓練減低脂肪比例,全身的線條便會很明顯。

嗌救命

在 Adidas Group為另一品牌打造一支 team reebok籃球隊後, Emil被挖角到一間專責香港運動員的公關公司做市場經理,積極發掘不同範疇合作的 Emil,今個月初同十優港姐麥明詩會面斷正,外界直至他同林作拗手瓜,原本滔滔不絕的 Emil,一提到 Louisa(麥之洋名)即時嗌救命:「嘩,好驚喎,你咁樣問我,唔知點答喎真係!」

Emil直言不會因為被傳媒撞破,而避見 Louisa,但表明現階段兩人只是朋友,不想對未來作任何猜測,但係都不忘大讚麥明詩叻女又有吸引力,冧到出面。咪睇 Emil有家底,又有齊暖男具備的條件,應該大把女埋身,實質他的感情生活已經有幾年的空窗期, Emil不否認對拍拖中的另一半有一定要求,令對方造成壓力,所以現階段不作他想,只專注工作。「我覺得呢樣嘢好隨緣,尤其姻緣好多時係注定,我媽咪同老闆成日同我講,你做嘢啦,做好啲,真係識人或者被識嘅機會係多啲,咁我希望呢刻都係專注工作。」 Emil說。

再三追問同麥明詩的發展可能, Emil大嗌救命,叫記者放過佢。

上週六同 Emil前後腳出席同一活動的林作,反口唔肯同「情敵」合照。

金牌運動員傅園慧來港, Emil把握機會成功集郵。

工作、運動兩忙, Emil不時會去做冷凍療程,以過百度的零下低溫紓緩疲勞。

去年 Emil還擔任甲二籃球晉裕的主教練。

張存華簡介

從美國返港後, Emil曾在汕頭逗留一年為汕頭大學擔任營運總監。

英文名: Emil

年齡: 27歲

感情狀況:單身

背景:鐵板神算「董半仙」董慕節外孫

學歷:美國普渡大學( Purdue University)畢業,主修金融策劃

事業:

2013-14  nowTV體育主持

2014-15 受聘汕頭大學籃球隊營運總監

2015-16  Reebok市場營銷,以及香港甲二組別晉裕籃球隊主教練

2016至今  Harvest Sky公關顧問及樂視 NBA評述及節目主持

撰文、攝影、攝錄:娛樂組


鍾意就快D Share啦!