林家棟同惠英紅嘅導演會稱帝封后！
香港電影導演會今晚於尖沙咀舉行春茗，席間頒發「最佳男主角」獎項，結果由林家棟奪得，最佳女主角則頒給《幸運是我》的惠英紅，兩人上台都有眼濕濕，不過，都不忘發揮搞笑本色，惠英紅上台致辭時指過去沒有導演讚過她，現在獲獎她就會當全場導演「兜口兜面」大讚她；而林家棟上台領獎時，則繼續幽默，笑言：「自己畀小紅姐（惠英紅）好，因為好多導演會提起我...鬧我。」帝后齊發功，結果引來不少笑聲。
一時感觸眼濕濕
林家棟在台下接受訪問，一時感觸，眼濕濕未能即時受訪，待情緒稍為平伏，他表示：「Sorry，因為我有好多畫面出咗嚟，咁多年拍戲好多犯錯，會好在意人哋點睇，好開心今日能夠由咁多導演選出嚟成為最佳男演員，真係無諗過，之前佢哋叫我嚟春茗，我因為搞緊劇本，未知嚟唔嚟到，頭先，見到許冠文上台嘅畫面，好感觸，因為佢都四十年，我自己與有榮焉（指與許冠文齊在導演會獲獎）。」
至於惠英紅受訪時表示入行四十年半，一直屈在心裡，就是久缺人家當面的稱讚：「心情仲好空白，唔知點解，我需要當面讚，每次我都問李添勝，點解唔讚我，我覺得自己做得好好，一直鬱喺心入面，心有條刺，今次（攞獎）當佢哋一次過讚我！阿媽同我咁多個十年，佢從來唔讚我，但喺人哋面前，好似同王祖賢、小寶（爾冬陞）嘅阿媽面前就會讚我，其實我係需要正面嘅鼓勵，今次我當佢哋一次過讚我，好似（甄）子丹、祖哥（張同祖）都未讚過我，但頭先佢哋都會同我講囉，我唔介意邊個讚，只係介意導演讚，因為導演係一套戲嘅領導，導演讚我：紅姐，呢場戲你做得好！嘩!我心情曉飛有時我會諗，係咪覺得我老，唔好意思讚呢？喺我細嗰時，又係咪覺得我似𡃁仔，而又唔使講咁呢？有次我做訪問，見到添哥都特登問番佢當年點解唔讚吓我？佢話得㗎其實，鼓勵真係好重要！」
來源 source: http://hk.on.cc
|
鍾意就快D Share啦！
|
|
|