港鐵多條路線近年超負荷，繁忙時段載客率均超過100%，每當繁忙時間，車廂擠至月台也排滿人，不過港鐵最近將矛盾指向背囊客，近日拍片呼籲乘客上車後除下背囊，免阻礙其他乘客，惟短片上載後，引發公關災難，不少人批評港鐵帶頭公審背囊客，有網民更發動「戒背囊 齊拖喼」行動抗議。港鐵上周四上載此片段，將背囊客形容為「武林高手」，會使出4種「孭嘢招式」同你過招，呼籲他們「#搭車要識Do，放低背囊，#咪做碰碰車！」hashtag更稱背囊客「#勁過排雲掌風神腳 #一招即KO」。知名博客林忌昨晚在facebook出帖，批評港鐵出廣告，攻擊孭背囊為「搭港鐵最怕」的行為；為保障各位有需要孭背囊的港人，「奉港鐵的呼籲，大家請改為使用行李篋，齊齊拖篋！港鐵的高層為保障走私賊的權益，一定唔會攻擊你哋，請放心拖用手推車或者改裝的BB車都得o架！仲有優先電梯坐添！」
來源 source: http://s.nextmedia.com
|
鍾意就快D Share啦！
|
|
|
