阿田一開始就多謝觀眾支持。
視后田蕊妮今日出席劇集《迷》宣傳活動，期間抽空潛入東網巨星fb同網友傾吓偈，一開始網友反應熱烈，爭住問問題，而阿田都有問必答，錫晒粉絲！
阿田一開始就多謝各位劇迷支持，佢話起初都好擔心反應，好彩反應都幾好，個心先安定落嚟。有網友就搞笑咁發問「點解你鼻涕都識做戲」？阿田聽罷後就哈哈大笑謂：「唔係嘛！」對於被封「女版郭晉安」阿田坦言開拍前有搵過郭晉安傾偈，仲話對方畀咗好多意見佢，好多謝安仔。有讚都有彈，有網友就話阿田嚟嚟去去都係嗰啲表情，演技冇進步，阿田就好誠懇咁話，佢會繼續努力，希望有多啲變化。
即場劇透
阿田又即場劇透，佢話呢家劇情只係佢「入魔」初期，後面會更恐怖，更心寒，會為吳業坤擔心、為鄭嘉穎肉緊，仲話結局唔會係草草收場，會係幾出人意表嘅。講到會唔會拍續集，阿田就落閘話演一次就好喇，個角色係暫時接觸過最有難度嘅，記得有一場戲係嘉穎嚟話個女死咗，係喊到收唔到聲精神崩潰，連cut機都停唔到，連playback都冇睇，而認屍個場戲都傷心欲絕，拍完後全場都唔講嘢，嘉穎就買咗飲料畀佢，叫助手畀佢。
有網友都提到阿田老公杜汶澤最近整蘿蔔榚，阿田就大讚老公整得好好食，不過就唔夠佢媽咪整得咁好食，有網友就話阿田生b要搵佢，阿田都大方答話「好呀，一定搵你！」最後阿田就話《迷》今個星期6日會播出大結局，大家幾得捧場。
來源 source: http://hk.on.cc
|
鍾意就快D Share啦！
|
|
|
