熱爆娛樂: 【獨家】土豪栢芝撇兩子蒲中環揸300萬法拉利吹水 _

2017年3月8日星期三

【獨家】土豪栢芝撇兩子蒲中環揸300萬法拉利吹水 __,栢芝,陳法拉,法拉,張栢芝,

先嚟一個冇獎問題遊戲，去髮型屋，除咗剪髮、染髮、set頭、吹頭（畀埋修甲你揀）之外，仲有咩好做？就係吹水！唔係老作，事關前日下晝4點幾近5點，見到經常被唔同國家地方民眾「野生捕獲」嘅張栢芝揸住架火紅色嘅法拉利California跑車出巡，去咗中環荷李活道一間髮型屋吹水。（冇錯，係吹水，唔係吹頭）栢芝身旁唔見佢嗰兩個寶目仔謝振軒（Lucas）和謝振南（Quintus），而着住鮮藍色、強國味濃嘅運動套裝嘅佢秉承佢豪氣（定土豪？）本色，佢將架價值幾百萬嘅法拉利，好隨意咁泊喺街邊就算。栢芝入到舖頭後一直吹水，又攞手機出嚟撳撳撳，同老闆及店內職員分享吓咁。再嚟，得閒用手抓兩嘢頭髮嘅栢芝，喺店內來回踱步講電話，時而揈車匙，時而將架喺頭頂當頭箍用嘅黑超，拎番落嚟正常咁戴，好似喺佢自己屋企咁free。栢芝如是者hea咗大約20分鐘後，佢同一短髮女伴離開，栢芝先將身上孭住嗰個桃紅配紫色嘅手袋放喺車嘅後座，再親自揸車離開。睇番架車嘅登記紀錄，架車於2011年首次登記，登記人為栢芝經理人Emily。參考番網上同款車、同年份嘅平均二手售價，都要151萬，可以好似栢芝咁樣隨意泊喺街，實在唔係個個做得到。至於栢芝齋吹冇幫襯呢單嘢，其實都唔係第一次，佢喺舊年9月曾經被《蘋果》影過佢去嗰間舖吹水（新聞連結： http://bit.ly/2mhgXsg ）：推前番幾個月，即係舊年6月，《蘋果》又影到栢芝喺嗰間salon整頭時，遇着警察抄牌，走豪氣路線嘅栢芝竟然為咗嗰$320蚊，不顧形象、連人帶飛髮袍咁衝出門口同阿Sir求情（新聞連結： http://bit.ly/2cvCxXs ），睇嚟栢芝同呢間舖嘅老闆真係好熟，所以幾次唔吹頭、齋吹水都冇問題。話時話，兩位謝公子喺邊呢？

（攝影：徐錦池、畢紹基）	着藍色運動套裝嘅栢芝，一入髮型屋就同店內人士喪傾，又show手機畀其他人睇。
之後就輪到講電話	其實黑超唔係頭箍…	梗係拎番落嚟啱數啲
邊講電話邊揈車匙	吹咗約20分鐘水，栢芝揸車離開。
平日栢芝同兩個仔Lucas及Quintus好興3人行，偏偏前日就唔見咗兩位謝公子。（資料圖片）