娘娘駕到呀喂！
擁有水汪汪明眸的網絡女神杜小喬，經常拍片飾演「娘娘」角色，精靈可愛又夠嗲，冧得一班宅男暈佗佗， 難怪Facebook擁有近30萬Fans追隨！今集東網巨星節目《區區有女神》請來小喬重遊西營盤，這區滿布她初戀及初吻的甜蜜回憶，對她來說相當特別！
天然呆乜都冇做過
西營盤高街出名多美食，不過小喬絕不自私食，早已準備「意式草莓奶凍」跟街坊分甘同味，不過交換條件是要回答有關初戀的問題，面對Sweet爆的小喬，他們都敞開心屝分享愛情故事！女學生Nicole自爆初戀發生在中學，問到哪段戀情較深刻？小喬原本想教她答現任，誰不知她衝口而出說：「初戀嗰個！」嚇得小喬O晒嘴，超級搞笑！「四眼林奕匡」想了一會則說：「兩個都咁Sweet！」但被小喬連番追問，也流露尷尬神情。優皮男Fran瀟灑得多，自爆15歲時在網上認識初戀女友：「最深刻係送佢去外國讀書，不過唔掛住佢喇！依家有女友。」
天然呆Peyton面對小喬的尖銳問題支吾以對，問到難忘回憶，他竟說：「最深刻就係冇做過啲咩。」令小喬不禁反白眼。曾參選港男的新進藝人杜沚諾（Kento）自爆被初戀女友Hurt透：「分手時佢話我係好男仔，又話將來我係結婚對象，但佢上年結咗婚」小喬也深表同情。
囉囉孿恨拍拖
拍畢有關初戀的節目，小喬直言令她心郁想拍拖，各位兵仔識做她說：「多謝《東網》帶我嚟諗番初戀嘅甜蜜，又聽到好多人分享回憶，令我都覺得囉囉孿，幾時搵番個男朋友呢？」
來源 source: http://hk.on.cc
|
鍾意就快D Share啦！
|
|
|
