已故慈善伶王新馬師曾長子鄧兆尊，雖然年屆50，但近年經常「一拖三」與女友 Carmen、車厘子與及Claire周圍去，因而成為城中熱話。不少人都好奇，點解三女共待一男都可以如此和平？
三位女友聚首勁感動
兆尊日前接受專訪大談感情世界，他先被問到有網友話三位女友是因為錢而跟着他？兆尊表示自己「冇錢」，但自認性格「抵得諗」，令三個女人甘願分享愛情！他說：「無可能，我都無錢。如果一定要講原因，我勉強講可能係我嘅性格，因為我永遠都係諗咗人哋先，亦可能佢哋搵唔到一個比我更好。」
談到三位女友竟然可以不時與兆尊「四人行」周圍去，兆尊竟大爆原來三女正式見面的時間只是在半年之前，而相見的地點則是一間醫院！兆尊表示：「因為半年之前，佢哋咁啱三個都病咗，仲要去埋同一間醫院，佢哋都要搵我陪，咪一個醫生睇晒佢。」三個女友第一次見面，沒有如電視劇般一言不合，大打出手，反而相當好傾，全因早經兆尊訓練。他指三位女友聚首時場面感動：「其實咁多年都知道大家嘅存在，都會透過我去問候大家，我亦開咗個電話群組畀佢哋，等佢哋三個自己去溝通，大家雖然一直有溝通，但未曾見過面，所以個次見面都幾感動。（佢哋三個第一次見有乜反應？）冇乜嘢，有傾有講，當然事前我有問過佢哋一齊睇醫生好唔好嘅？佢哋都OK，其實呢啲事換轉大家係廿幾、卅歲就真係冇乜可能，依家大家都有一定年紀，唔會咁執着。」
一個星期喺殯儀館四日
兆尊又爆出原來Carmen與Claire早前曾在同一星期經歷喪親之痛，令大家更明瞭對方情況，他表示：「好多嘢都真係好巧合，佢哋（Carmen、Claire）嘅親人喺同一個星期離開，喪禮亦係同一個星期、同一間殯儀館度搞，我就一個星期裏面就去嗰個間殯儀館四日，連職員都忍不住問咗句『又係你？』」
兆尊在他人眼中享盡齊人之福，但他卻覺得不是好事，指自己都是很多巧合之下，才行到這個地步，而對於有指大婆Carmen不滿三奶Claire太高調經常與兆尊周圍去，兆尊則否認：「錯！冇呢啲嘢，冇人捉我周圍去，佢（Claire）帶個犯去剪草啫！影到第四個新面孔先會嬲啫？」
三奶有特殊能力
兆尊的三位女友性格各有不同，這些年來與兆尊都有不同的經歷。兆尊逐一剖白與三位女友的感情之路。他先指Carmen曾經因第三者離開過他，最後因第三者沒有向Carmen兌現一些承諾，令Carmen受創回頭，兆尊亦再接受對方，兆尊稱當時車厘子已經存在；而車厘子喜歡出頭，但好多時虎頭蛇尾沒耐性做到底，要自己好好教導。至於Claire則具有異於常人的能力，可以看到一些別人看不到的東西，曾給兆尊幾個電話號碼助他解決一些疑難，令他深信Claire具有一些特殊能力。
場地提供：銀次日本料理（尖沙咀）
|
鍾意就快D Share啦！
|
|
|
