精神好咗好多呀！
「靚聲王」張偉文去年底接受腰椎手術，休息三個月的他擔任好友呂珊演唱會嘉賓，手術後首度公開演出的張偉文要用拐杖幫助行路，雖然要坐住接受訪問，但精神狀況極好。問到手術後有否影響唱歌？張偉文說：「冇乜影響，可能係與生俱來，不過好多嘢唔記得，反而唱歌又OK。（恢復得好好？）係，不過糖尿腳令我成日好似踩棉花咁，冇晒平衡力。」他坦言如去遠地方便坐電動輪椅：「依家一星期要做兩日物理治療。」
張偉文表示糖尿影響腳部神經，他說：「糖尿度數都OK，依家行路覺得唔掂地，除非除咗鞋赤腳，但出街唔會唔着鞋，我依家唔可以跌倒，如果唔係就麻煩。」問到有否影響工作？張偉文說：「都有，依家同傾梗美國、加拿大嗰邊傾緊，佢哋唔介意我坐喺度唱，不過坐飛機好辛苦，雖然係坐商務，但我依家條腰骨要好直，如果唔係就好攰，都希望可以喺香港再開騷。」張偉文承認做腰椎大手術前一度懷疑自己不能再開騷，他說：「點知真係行得番。」
來源 source: http://hk.on.cc
|
鍾意就快D Share啦！
|
|
|
