藝人陳雅倫早前宣布與吳彥祖表哥Martin閃婚，未幾又被拍得二人在街頭恩愛錫錫，陳雅倫在社交網站上否認放料，更被指因而與Martin的婚事「撻Q」。
今日有指Martin在朋友聚會上攬女，對象是藝人陳惠敏的女兒陳鳳儀，而陳雅倫亦在社交網站留言直認與Martin已分手。記者致電向陳雅倫求證，她亦大方表示二人已分手，被問二人的關係，她說：「我真係要多謝狗仔隊，我人在北京，都可以幫我影到呢啲相，佢成日話佢好忙，原來係忙住攬女！」
Martin被指育有一子，此事陳雅倫亦知道，不過心滿屈結的陳雅倫就連串爆料，鬧爆Martin是大話精：「佢對我大話連篇，枉我對佢咁好，所以佢個前度鬧佢嘅嘢我都認同，『空穴來風，未必無因』，佢曾經同我解釋，佢冇同個前度拍過拖，係瞓咗一晚就生咗個仔」
陳雅倫繼續鬧爆對方，指對方多多藉口因為忙而不見：「佢一直以來大話連篇，冇句真，之前係因為我愛佢，咁咪信佢囉！情人節同我生日，佢話好忙，唔得閒慶祝，咁我覺得開心就日日都係情人節，生日又冇意義嘅，所以冇慶祝！」
至於問到是否由陳雅倫主動講分手？她表示已講過五次，但直認為被對方的嗲功冧倒而心軟，她說：「同我拍拖嗰陣就接吻魚咁，成日講我愛你，叫我唔好離開佢，我就梗係開心同冧到暈啦，仲飄飄然𠻹！」
來源 source: http://hk.on.cc
|
鍾意就快D Share啦！
|
|
|
