網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年8月24日 星期四

一件皮褸三份著 林青霞細女晒腰吸睛 [壹週刊 - 1433] __,青霞,林青霞,M1,

62歲的林青霞keep住咁省鏡,最緊要純天然,絕無膠味!同你吟一吟一件皮褸三份著 林青霞細女晒腰吸睛「大美人」林青霞自從嫁俾富商邢李㷧,息影23年,專 ...


62歲的林青霞 keep住咁省鏡,最緊要純天然,絕無膠味!

同你吟一吟

一件皮褸三份著 林青霞細女晒腰吸睛

「大美人」林青霞自從嫁俾富商邢李㷧,息影 23年,專心湊女做少奶奶。而家兩個女大晒,大女邢愛林 21歲,細女邢言愛都已經 16歲,亭亭玉立喇!

早排《壹仔》撞到佢哋三母女去中環 shopping,六十有二嘅林青霞,雖然同兩個女相差一大截,但就一啲代溝都冇,連揀衫嘅品味都一致。入到鋪頭,梗係一大隊兵服侍呢三位 VVIP,其間大女首先睇中一件啡色皮褸,試完又試,林青霞仲幫佢試拉拉鏈,之後再到細女試,最後輪到林青霞都拎起同一件褸試上身。唔只同款,仲要同 size,證明青霞嘅身材同兩個後生女仲有得 fight!既然三母女 taste一致,馬上叫 sales包起皮褸,青霞負責碌卡埋單。

呢日細女邢言愛仲好搶鏡,剪咗一頭短髮,著住件開胸超短身 tee,成條小蠻腰露晒!

青霞好貼心,幫阿女試拉拉鏈。

大女試完,再到細女同青霞試同一件皮褸。

難得三個都睇啱,最後 sales幫佢哋包起皮褸。

邢言愛著住超短身 Tee露出小蠻腰,超自信。

撰文︰八珍


鍾意就快D Share啦!