熱爆娛樂: JW：國際學校 free好多　 Fiona：遺憾冇 take到普通話 [壹週刊

2017年8月24日星期四

JW：國際學校 free好多　 Fiona：遺憾冇 take到普通話 [壹週刊 - 1433] __,Fiona,JW,薛凱琪,M1,

名人求學

JW：國際學校 free好多　 Fiona：遺憾冇 take到普通話

JW指瑪利曼同 South Island好相似，學校有大量課外活動，俾學生參與之餘，學習氣氛亦相當濃厚。

有討論無補習

JW（王灝兒）是圈中少有讀過傳統名校同國際學校，兼且在兩邊都參加過公開考試（會考和國際文憑大學預科課程）的藝人。在瑪利曼中學的日子， JW是好動活躍分子，不單是運動員，也不時於校內舉辦綜藝活動，父母對於她的學業沒有給予太大壓力，反而是 JW抱住「死無蝕底」的心態，同學個個去補習，自己也跟着去，拎住補習班的雞精 notes死讀爛讀，令會考順利過關。

為了到外國升學，預科兩年 JW轉到 South Island（南島中學）修讀 IBDP（ International Baccalaureate Diploma Programme——國際文憑大學預科課程），昔日習以為常的補習班，一下子消失得無影無蹤，「 IBDP都好辛苦，好多文要寫，佢哋（老師）唔係話補習，而係放咗學討論，討論題目點答，邊啲題目會出，成件事好 feel free去做。」 JW說。

留學期間被黎明睇中的 JW，堅持完成學業才回港發展。

JW同瑪利曼的同學老友鬼鬼，至今仍保持聯絡。

JW是校內活躍分子，不時舉辦綜藝活動。

外地考察

傳統學校面對公開考試的兩年，體育堂變補習，所有課外活動全面叫停，偏偏 JW在 South Island的日子，不單只課外活動無間斷，還會舉辦 Field trip（實地考察）旅行團，等同學接受課本以外的知識。「要搭飛機去嘅，佢會俾你揀印度、澳洲或者北京。我記得有一次我哋全部人去咗北京，第二年揀咗一班人去咗印度做 project。去到每一個地方都有一個 guard帶住，佢會教你當地嘅風土人情，呢啲係瑪利曼無嘅！」 JW說。

South Island畢業後 JW遠赴倫敦入讀數一數二的大學 King's College，修讀地理。

中五畢業， JW著到靚一靚返瑪利曼影相留念。

Fiona錯失學普通話

國際學校自由度大，管束性相對較低，偏偏 Fiona（薛凱琪）父母是怪獸家長，無得出街之餘，放學後，物理、化學、數學、法文全部都要上補習班，忙到一個點。由於小時立志要去巴黎留學，所以讀國際學校期間自然修讀法文，錯過學普通話的機會。「普通話愈嚟愈普及，大家都知道學好啲中文嘅重要性，遺憾冇 take到普通話，變咗入行到而家都要自修中文。」 Fiona說。