熱爆娛樂: Mr.主音 Alan單拖出擊　捧埋歐陽妙芝 10歲仔 [壹週刊

2017年8月24日星期四

Mr.主音 Alan單拖出擊　捧埋歐陽妙芝 10歲仔 [壹週刊 - 1433] __,歐陽妙芝,Mr.,M1,

Mr.主音 Alan搵歐陽妙芝母子檔助陣，他叫妙芝細仔在 MV做番自己，令他演出輕鬆。

探熱針

Mr.主音 Alan單拖出擊　捧埋歐陽妙芝 10歲仔

樂隊 Mr.近年變自由組合，一時合體巡迴演出，一時分體各自搵食。主音 Alan（布志綸）近日單拖出擊，新歌 MV找來歐陽妙芝及她十歲幼子，以母子檔助陣。估唔到只有十歲的幼子方玉亨，為「 Uncle」處男上陣好搶鏡，同媽咪做對手亦冇怯場。 Alan MV，分分鐘捧出童星。

單拖簽唱片公司

樂隊「 Mr.」去年底跟環球約滿後，繼續以樂隊形式在內地巡迴搵銀，成員亦同時各自在音樂界發展。其中主音 Alan（布志綸）近日便以獨立歌手身份，簽給唱片公司「耀榮文化」。 Alan說：「我哋唔係拆夥，只係都俾大家有自己嘗試。好似 MJ同 Tom，佢哋亦自組公司，簽咗一啲藝人，做音樂製作同宣傳。每位成員都有唔同範疇。」

Alan強調 Mr.不是拆夥，只是成員可以發展自己事業，適當時候又會合體演出。

媽咪妙芝同一時間在戲中要煮麵，傾電話及覆電郵，仲要帶住囝囝入戲，忙亂下掉轉手機傾電話都唔知，變 NG笑位。

MV驚喜位，是首次演出的歐陽妙芝十歲幼子玉亨，面對鏡頭不造作又淡定。

妙芝為 Alan著黑絲

早前他為單拖出擊派台歌《人在野》拍 MV，還找來因合作音樂舞台劇《尋找快樂時代》，而 friend過打 band的歐陽妙芝做女主角。撐 Alan撐到足的妙芝，帶埋十歲幼子方玉亨處男登場。「呢對黑絲都係為咗佢（ Alan）而著。其實我有一個興趣，就係拍 MV，真係好鍾意。多謝 Alan俾細仔第一次拍嘢，更難得係我可以同場。」歐陽妙芝說。

14年 Alan跟家族身家億萬的富家女陳雪瑩結婚，現有一歲兒子 Adam。下一個 MV，會唔會父子檔上陣？

在場工作人員都大讚妙芝細仔家教好，夠乖巧。

幼子登場好淡定

母子檔演繹貼地的香港故事。妙芝飾演壓力爆煲的媽咪，為養家拼搏，忽略兒子感受，但兒子一直默默守護她。對於零演出經驗的幼子玉亨確有難度，幸得 Uncle Alan兩句指點即開竅。「你當呢度係自己屋企就得，你鍾意點都得！」妙芝囝囝聽罷跟足指令，做番自己，攤喺梳化睇電視，之後扮嬲入房，有媽咪帶住入戲，毫不怯場。

兒子有潛質，可會讓他做童星，在幕前發展？歐陽妙芝說：「我希望俾小朋友多啲機會認識新事物、新朋友，俾佢哋出去走走，經歷過先會成長。」