熱爆娛樂: 開私房菜　幫大台賺過千萬　俾二萬睇埋鼎爺下廚 [壹週刊

2017年8月31日星期四

開私房菜　幫大台賺過千萬　俾二萬睇埋鼎爺下廚 [壹週刊 - 1434] __,大台,李家鼎,鼎爺,TVB,M1,

做武指、演員、騎術教練，都不及揸鑊鏟爆紅， 71歲的鼎爺行大運，私房菜館未開張已訂枱爆滿。

探熱針

開私房菜　幫大台賺過千萬　俾二萬睇埋鼎爺下廚

71歲的鼎爺（李家鼎），去年底主持《阿爺廚房》，廚藝刀功技驚四座，大台「隱世廚神」被揭開，從此爆紅成大台金蛋，據悉三十集《阿爺廚房》，已為大台帶來千萬廣告收入。

鼎爺晚年運人氣強，下月開張的私房菜，餐單價目亦有「勢」！人頭最平每位$888，想邊食邊埋身一睹鼎爺下廚風采，得！俾兩萬蚊，有得玩。

合資千萬開檔

將火氣轉做鑊氣，煮到人氣爆燈的鼎爺，粉絲多過一班大台男神，故早前宣布同友人合資千萬開《鼎爺私房菜》，一眾「望穿秋水」的粉絲蜂擁訂枱，未開張（九月三日才正式開張）， booking已爆滿三個月。

鼎爺魅力驚人，他做總廚的私房菜，客路唔少高官貴人，其路線亦固然唔係「食平 DD」。首輪推出的餐單，最平的一款，每位收費$888。賣點是每晚隔住個 mon，睇譚玉瑛食到嘴嗛嗛的鼎爺拿手好菜「阿爺乞兒雞」、「紫晶生炒骨」及「新舊荷葉飯」等，統統都能在這個最平價目餐單品嘗到。前者鼎爺棄用「塘泥」，改用密封酒埕蓋的「酒泥」，以帶出淡淡酒香，至於生炒骨，他加入酸梅調味，堅持粵菜的考究功夫。

9月正式開張的鼎爺私房菜，位於銅鑼灣登龍街，面積四千多呎，但每晚只招呼八十名客人。

身為總廚的鼎爺，率領一班三十年以上經驗的專業廚師團隊下廚，向他們展示拿手菜「阿爺乞兒雞」。

71歲做老闆，由私房菜的裝修到食品水準，鼎爺十二分緊張。

今輯《阿爺廚房》，不但為大台賺千萬廣告收入，連拍檔譚玉瑛都被帶挈加人工。

鼎爺精細的廚藝及刀功，吸引唔少高官及大集團老闆成為他的粉絲，他曾獲富豪邀請在遊艇煮私房菜。

早前鼎爺獲品牌邀請出席晚宴，所到之處都被粉絲重重包圍。

王牌甜品

做事認真，要求高，鼎爺多年來一直未停過鑽研菜式，據知私房菜更會出動從未亮相過，以豬肉配綠豆蓉而成的秘製甜品「金銀玻璃肉」。難怪連早已經隱世多年的神級廚神方太（方任利莎）都忍唔住公開大讚，指他是「真識煮」，要向他偷師。

每枱設最低消費

鼎爺私房菜館，位於銅鑼灣登龍街一幢新商廈，面積有四千多呎，但貴精不貴多，每晚只招呼八十位客人，訂枱亦要四人起，並設最低消費。四人枱，最低消費$4,000，八至十人枱收費$8,000-$10,000，十至十二人的海景房為$12,000，可容納十四至十六人的馬場景房收$14,000。

幫襯鼎爺最高境界，就係《阿爺廚房》 live版。即係邊食邊睹鼎爺為你親自下廚，兩萬蚊有交易。私房菜得一間最低消費$20,000的 VIP房，透過房內的大玻璃窗，可直擊鼎爺的精細廚藝，滿足口腹兼娛樂十足。

鼎爺兩個仔，大孖泳漢（左二）精於騎術、細孖泳豪除鑽研賽車，還打算到爸爸的私房菜幫手，由刀功學起，向爸爸偷師。

愛撚雀的鼎爺，年幼時是西關大少，父親是西關大地主，後因走難來港，才家道中落。

鼎爺表面粗豪，其實出口成文又多才，精於騎術的他有唔少學生，江若琳是其中之一。

魄力驚人的鼎爺，當年六十幾歲仲可以踩板。

大台諗計箍金蛋

雖當上大台金蛋，但據了解將約滿的鼎爺，仍未動筆跟大台續約。

去年因黃淑儀無暇接拍《吾淑吾食》，遂向監製推薦「隱世廚神」鼎爺，結果一煮成金蛋，鼎爺變廣告商寵兒。據悉有收視保證的他，今輯《阿爺廚房》就為大台帶來千萬進賬。多個大品牌廣告商爭住撐鼎爺，有 Towngas、刀嘜、大棧、領展等，就算節目出街後，仍有不少廣告商中途加入，掟錢贊助，故三十集的《阿爺廚房》，幫大台賺到笑，帶挈埋拍檔譚玉瑛，獲大台續約加薪，由草變寶。

反之當了鎮台之寶的鼎爺，據悉今年十月便跟大台約滿，卻仍未動筆續約。「今時今日鼎爺係當紅炸子雞，廣告長接長有，食譜都賣三萬本，身價唔同，呢隻金蛋唔可以放走，所以公司好緊張，搵余詠珊同珍姐（曾勵珍）幫手同鼎爺傾續約條件，雙方拉鋸緊，所以到而家都未續約。」知情者說。