問：有媒體話你哋四月被警方拘捕前嗰晚「偷情」，其實發生咩事？
梁：（偷笑）我嗰日係喺佢天台張沙灘膠櫈度瞓緊覺，飲醉咗酒，就係咁囉。其實當時成班人，仲有律師，傾緊司法程序嘅嘢。大家傾住飲酒，眼瞓，佢哋走咗，我就瞓着咗，佢（游）又唔知幾時落咗去。
游：如果係兩個男嘅，又或者兩個女，經常用一pair嘅形象示人，又會唔會有呢啲花邊新聞？點解一男一女先至會？好似我之前黃埔區選，同阿葆（鄺葆賢）又係經常一pair出現，點解無人傳我同阿葆有嘢？呢啲我從來唔覺得要理太多。
問：如果要你哋講對方嘅優點、缺點各一，會係乜嘢？
梁：佢真係唔會放棄。但游蕙禎係咪適合從政，坊間有好多唔同說法，我自己都有疑問。當你第一日識佢，靚靚女女咁，同人溝通都應該喺一個合理水平，但原來係「啞」㗎喎！唔係佢真係啞，係真係唔識講嘢，「倔雷鎚」……所以大家成日見到有啲好出位嘅言論，如果我做佢經理人我真係會即刻噴血。
游：優點……佢係一個諗到嘢之後，就會諗辦法去實踐嘅人。無論搞青年新政，或者其他議題，其實佢有嗰個行動力。缺點呀…… 嗯……有好多大家都會睇到，即係人之常情嘅嘢，我覺得係無傷大雅。
問：即係咩？
游：嗯…… 有好多事情可以多啲角度去睇，並不是只有一種（角度）。
問：即係「硬頸」？
游：我同佢都好「硬頸」，如果唔係點捱到依家？
提及坊間一直盛傳兩人拍拖，游蕙禎立即一面鄙視看着旁邊的梁頌恆，更重要的是，梁說跟女友感情穩定。正式訪問期間，兩人都一臉正經，每次回答前也思考良久，游蕙禎遇上不滿的議題，更會立刻「黑面」批評。不過私下閒聊，兩人卻會取笑對方「垃圾」、「肥」、「有肚腩」。記者不知兩人是否「密友」，但他倆說，從成立青年新政當日起，已是「戰友」。
撰文：劉卓瑩
攝錄：傅俊偉 石鎬鳴
【破產找數】梁頌恆：大件事！ 游蕙禎：本來就係無產階級
http://bit.ly/2wFR3EF
|
鍾意就快D Share啦！
|
|
|