網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年8月31日 星期四

追足 2年 發力過賭王一關 楊受成細仔溝掂何超蓮 [壹週刊 - 1434] __,何超,賭王,何鴻燊,楊受成,何超蓮,超蓮,何超儀,M1,

娛頭追足2年 發力過賭王一關 楊受成細仔溝掂何超蓮何家淑女,兵哥好逑。賭王三房千金何超蓮裙下臣無數,收兵名單有霍震霆二公子霍啟山、內地富二代劉根森、柯 ...






娛頭

追足 2年 發力過賭王一關 楊受成細仔溝掂何超蓮

何家淑女,兵哥好逑。賭王三房千金何超蓮裙下臣無數,收兵名單有霍震霆二公子霍啟山、內地富二代劉根森、柯震東等。強手當前,但楊受成細仔楊政龍絕不放棄,自 15年超蓮跟吳克群分手後,追足兩年,近月終於攻陷契妹超蓮防線。一度埋身的方力申被 out,契哥楊政龍得米,現在發力過賭王一關!

間中一齊失蹤

獲派「契哥卡」,通常意味硬食檸檬,但跟契妹超蓮同是富二代,青梅竹馬的契哥楊政龍並沒棄戰,多年來癡心情長劍,終於溝掂超蓮。

「超蓮同 Alex(楊政龍)自細就識,好多 common friend,成班人一齊玩,大家都知佢好錫超蓮。不過呢幾個月,佢兩個間中會一齊『失蹤』,齊齊唔現身,大家都估到係乜事。」知情者說。

打風孖住睇戲

上週二(二十二日)晚,颱風天鴿壓境,二人仍然「打風都打唔甩」,孖住去九龍塘睇《俠盜聯盟》首映。「 Alex話想睇劉華呢部戲,超蓮打風都特登陪佢去。」知情人續說。

當晚超蓮一身黑色便服,楊政龍就明顯放工 look,在一男一女友人陪同下到場,首映九點四十分開始,但兩人十點才到場,希望避開記者。由商場步向戲院時,超蓮和楊政龍並肩而行,有說有笑,好冧!





兩人去戲院攞飛時已接近開場,身邊各有朋友做掩護,依然好有戒心。





睇完戲,二人在一男一女朋友掩護下離開,楊政龍發揮幽默本色,氹得超蓮好開心,笑唔停。





搭電梯去停車場攞車,楊政龍同超蓮一齊聽自己電話留言, sweet爆。





散場後,雖然就快掛八號波,但楊政龍做埋司機親自送超蓮返屋企。

親自送返歸





去年年底,楊政龍搵埋阿 Sa、張敬軒等做伴,安排超蓮在淺水灣食星級飯局,飲完白酒再飲紅酒,全程氹得超蓮笑唔停。

到達戲院時,已變為前後腳,見到傳媒未散去,二人顯得相當避忌,更分開入場。最後睇足全場,楊政龍親自駕車送超蓮返回布力徑大宅。

去年七月方力申成功埋超蓮身,同期楊政龍亦跟王宗堯 model舊愛黎紀君( Christy)三度復合。雖然楊政龍向來多女埋身,但心裡一直有超蓮,所以極速撇 Christy,繼續專心追超蓮。

共度情人節

「其實 Alex一直有追超蓮,舊年陪佢睇 Twins演唱會,揸埋機幫佢影相。又試過約埋阿 Sa、張敬軒同超蓮開餐,成班人幫拖追女。今年情人節超蓮做義工派曲奇,楊政龍抬腳架做攝影師,為佢不停影花絮,製造機會同佢共度情人節。放晒時間、心機喺佢身上,超蓮慢慢開始軟化。」知情人說。





何家千金雖然無憂米,不過倫敦大學一級榮譽畢業的她,依然勤力上進,早前就埋頭苦讀考會計師牌。





今年 8月,菁英會舉行新一屆就職典禮,身為副秘書長的楊政龍自然要出席,超蓮亦特登盛裝去捧場。





楊政龍有份策劃新樓盤「喜遇」,超蓮咁啱被發現在上址出現,曲線幫手宣傳。

博賭王好感

雖然已經追到超蓮,但楊政龍還要過賭王那關。當年賭王曾公開批評跟何超瓊拍拖的楊其龍質地唔好,所以同父異母的楊政龍亦努力給賭王好印象。

「 Alex知自己係爸爸楊受成嘅接班人,一直好勤力做嘢,就算去蒲都唔會狂劈,玩完第二日亦會準時返工。除咗希望有好表現令爸爸滿意,亦係做俾賭王睇,希望佢知自己係認真做嘢嘅人,唔係玩玩吓嘅富二代。」知情人續說。

事實上,楊政龍多次代表公司去投地交標書,參與不少地產項目。超蓮愛屋及烏,對英皇的樓盤特別關注。上週五(二十五日),她秘睇英皇新盤「喜遇」的示範單位,十分關心楊政龍的工作。





賭王近年身體抱恙,少外出,不過對何家淑女拍拖對象向來着緊,要過賭王一關,絕對唔易。





超蓮早前跟閨密去度假,噴血三點式照「不慎」流出,大騷白滑肌膚,有樣有身材,絕對是何家至索千金。

150億王國 楊政龍開始接班

楊政龍一向得父親楊受成器重,在美國大學畢業後,一直在英皇集團幫手,由低做起,負責地產及金融部門。安排他參與聚集富二代的菁英會外,其他公職包括中華全國青年聯合會委員會委員、北京青年聯合會委員等等,本月更帶青年團探訪浙江。

楊受成一直部署讓他接棒,近期楊政龍不時代表英皇出席地產界活動,又多次代表公司去投地交標書。今年英皇新春聚會,他更以主人家身份,代表公司頒獎給各大代理,父親也只是站在一旁, 150億英皇王國接班人地位明顯。

賭王狠批楊其龍







當年離婚後,何超瓊跟楊政龍同父異母大哥楊其龍拍拖,被賭王指男方質地唔夠好,二人最後亦分手收場。





賭王跟楊受成生意上向有來往,但愛女心切,曾經公開狠批楊其龍。

楊政龍終於得米







16年 1月

去年 1月 Twins演唱會,楊政龍孖住超蓮一齊睇騷,兩人更坐正第一行。





16年 11月

去年 11月阿 Sa生日,未完全埋到身的楊政龍亦有出席,爭取機會與超蓮見面。





12月初開聖誕 P前,楊政龍已經孖住超蓮去北京睇甄子丹孭飛的《俠盜 1號》,感情相當唔錯。





16年 12月

到聖誕節,楊政龍迅速升呢,可以同超蓮一齊開 P慶祝聖誕。





17年情人節

今年 2月情人節,超蓮發起的慈善團體「 Smile With Us HK」,搞義賣曲奇,楊政龍做攝影師撐女友,同時幫手拍花絮。

盤點何超蓮兵哥

被指是全港至索千金的何超蓮,跟台灣歌手吳克群四年情玩完後,重新上市的她即成搶手貨,排隊做兵的先後有富三代霍啟山、內地富商劉志強之子劉根森,柯震東、向佐、方力申等。

幫吳克群谷新歌

11年與台灣藝人吳克群拍拖,超蓮為愛經常飛到台灣交人,男友出新專輯,超蓮又會在 ig幫手力谷,十分體貼,不過有指難抵男方脾氣暴躁,女方在 15年底忍痛斬纜。

霍啟山追到去台灣

回復單身,超蓮即成搶手貨,其中霍英東長房孫霍啟山追求攻勢最厲害,由香港追到台灣,陪食牛肉麵,又孖住去廣州傾生意,之後再被拍到在半島燭光晚餐。

劉根森聖誕開 P

內地富商劉志強之子劉根森,母親是全國政協翟美卿,父母均名列福布斯中國富豪榜。家底夠厚的劉根森趁超蓮甩拖約埋一班朋友齊齊開聖誕 P,又陪玩中環嘉年華,不過見光死,未再有下文。

向佐陪玩嘉年華

去年三月,向佐陪超蓮和其閨密李蘊去玩啟德嘉年華,碰巧二房家姐何超蕸任主席的東華三院在場內舉行活動,超蓮更臨時被叫上台,意外暴露三人行蹤,被踢爆與超蓮同行的向佐,全程表現避忌,更解釋巧合撞到。

柯震東台北唱 K

對台男情有獨鍾的超蓮,被拍到去年四月跟偶像帥哥柯震東在台北唱 K,二人凌晨離開時,柯震東更攬住她走人,相當親密。

方力申體貼按摩

去年 10月,方力申同何超蓮被拍到孖住去尼泊爾為「點滴是生命」做義工,兩個在機場表現親暱,小方不單替她按摩頸部,又一支水兩份飲。事後二人均表示唔係拖友,但超蓮大讚小方是好可靠朋友,關係並非一般。

多女埋身

父親是坐擁 150億英皇集團楊受成的楊政龍,是英皇集團企業行政主任,向來多靚女埋身,是城中超級筍盤。

黎紀君

跟前度黎紀君在三年內三離三合,去年兩人又再翻撻,更被本刊拍到在街頭肉緊狂嘴,有指黎紀君對楊政龍一直未死心,對這段情十分着緊。

楊秀惠

前年楊秀惠背住富貴男友葉樹培,跟楊政龍發展姊弟戀,為求箍實男方,拍攝空檔也人肉速遞到淺水灣豪宅冧仔。

姜麗文

14年被鄭俊弘狠撇後,姜麗文跟楊政龍過從甚密,二人相約西貢滑水,姜麗文大騷 34D魔鬼身材,其後更坐埋一邊談心,非常 sweet。

倪晨曦

倪晨曦 12年傳跟楊政龍撻着,二人被爆多次同遊外地,更不時孖住坐遊艇出海。

撰文、攝影、攝錄:娛樂組


鍾意就快D Share啦!