黃心穎在劇集《雜警奇兵》中有出色表現，馬國明當然開心。
甜美愛笑的黃心穎挑戰喜劇當然冇難度，今次在劇集《雜警奇兵》中飾演臥底警花，並以不同造型示人，她笑言一直期待穿警服演戲，但今次只穿過一次拍證件相，只能手執道具委任狀「過乾癮」，而劇中另一個孖辮醜女造型亦只能有限度登場，她解釋：「我反而幾鍾意扮醜喎！其實個造型都幾CUTE（可愛），可惜只得幾集！」
幽默與小鮮肉之爭
心穎一向給人開心愛笑的印象，今次與一向幽默的C君拍檔，自言「笑點低」的她大呼辛苦：「初時都怕同佢唔夾，但對住佢真係笑唔停，我本身已經鍾意笑，平時同佢講對白、傾吓偈已經好爆笑！其實今次拍喜劇都係一個新嘗試，有時會覺幾難拿揑，會怕啲戲誇張咗、節奏上又快啲，C君就教我將喜劇當係綜藝節目咁做，估唔到咁做係WORK嘅，演出會簡單同直接咗。」心穎在劇中周旋於C君與「小鮮肉」郭子豪之間，在靚仔與幽默之中二選一，心穎直言選男友不是一門選擇題，只需要相處得舒服。
講到緋聞男友馬國明亦是靚仔一名，但私下是否同樣幽默？心穎說：「總之係舒服嘅！（有指屋企人反對你哋？）冇咁嘅事，嗰句『年過半百』不是出自家姐黃心美，佢一直好支持我所做嘅任何選擇。」講到二人感情相當穩定，是否已到時機公開女友身份？她笑言：「唔需要喎！同人交往真係唔使交代太多，唔需要攞出嚟講，但如果我揀到老公，到時一定會同大家講！」
服飾：MO&Co.
化妝：Herman Ng
髮型：Steve Shek＠HAiR
來源 source: http://hk.on.cc
|
鍾意就快D Share啦！
|
|
|