個個為拍劇搏到盡！
林夏薇與及陳家樂日前於將軍澳拍攝新劇《逆緣》，劇情講述薇薇在街上被搶手袋，飾演警察的陳家樂聽到有人大叫：「搶嘢呀！」即從對面馬路跨欄前來將賊人制服，成功上演英雄救美。而他與賊人糾纏期間被割傷手，薇薇即為他止血。
唔為手袋心痛
今次拍劇出動數萬元私伙名牌手袋，薇薇解釋因為要連戲：「唔緊要，大家以工作為主。（怕唔怕整花？）咁又唔會。」但笑指戥手袋被亂拋而心痛。問到如有損毀，老公會否送個新袋給她？她笑言冇想過，反而喜歡老公為她下廚。
老公冇機會英雄救美
提到拍攝追逐戲時跑得快，薇薇坦言辛苦：「家樂叫我唔好跑咁快，因為佢要英雄救美。（佢都唔夠你快？）唔係，佢有好多動作都好辛苦。」又笑謂工作人員建議她參加短跑。問到現實中老公有否英雄救美？她說：「暫時未遇過有乜嘢嚴重到要咁樣挺身而出，唔需要跨欄住。」
家樂受舊患困擾
而家樂笑言不希望有「需要救女友」的事情發生：「希望我哋都安全，咁如果佢真係有事，當然會去保護佢。」此外，提到拍攝期間疑扭傷手腕，他解釋是之前與陳山聰拍打戲時的舊患。
來源 source: http://hk.on.cc
|
鍾意就快D Share啦！
|
|
|