掃呢頁CODE去手機

2017年11月30日 星期四

甄子丹伉儷拍拖玩對調 [壹週刊 - 1447] __,子丹,甄子丹,M1,

難得留喺香港,甄子丹撇甩仔女,同老婆二人世界。同你吟一吟甄子丹伉儷拍拖玩對調53歲「宇宙最強」甄子丹,憑住《葉問》打出名堂,順利進軍荷李活。平時忙到飛 ...






難得留喺香港,甄子丹撇甩仔女,同老婆二人世界。

同你吟一吟

甄子丹伉儷拍拖玩對調

53歲「宇宙最強」甄子丹,憑住《葉問》打出名堂,順利進軍荷李活。平時忙到飛起嘅丹爺,難得留喺香港,即刻撇甩一對仔女,同老婆汪詩詩過二人世界。

早排《壹》仔撞到丹爺同汪詩詩喺中環出現,兩公婆先去 Adidas行完一圈,不過冇收穫。走嗰陣係老公繑住老婆行!再肉緊啲,丹爺仲幫老婆捽吓手臂。落樓梯時,丹爺又細心拖實老婆隻手,真係「愛妻號」。





搭住膊頭行,唔一定係男人嘅動作,甄太汪詩詩呢下一樣好溫馨。





繑住行,同樣唔一定係女方專利。甄子丹繑實老婆,無非出於細心。

之後甄太嗌肚餓,就走去 Starbucks買外賣,兩公婆嗌咗一杯咖啡,一件蛋糕 share。結婚 13年,兩個依然有講唔完嘅話題。買完嘢食,汪詩詩搭住老公膊頭走人,雖然兩公婆好似調轉身份,全程連體嬰,呢啲係咪叫宇宙最甜?





兩公婆 order一杯咖啡一件 cake, sweet share。





宇宙最強未必最打得,但一定係最錫老婆。任何時候佢兩公婆都係拖到實行街。





甄氏伉儷一對寶貝仔女,眨吓眼大女甄濟如已經十三歲,細仔甄濟嘉九歲。

撰文:八珍 

攝影:李玄


鍾意就快D Share啦!