掃呢頁CODE去手機

2017年11月30日 星期四

搣甩 A4身形沈震軒:唔打得都要睇得! [壹週刊 - 1447] __,沈震軒,M1,

脹卜卜心口還有格仔餅跟身,沈震軒勁似拍緊健身中心廣告。探熱針搣甩A4身形沈震軒:唔打得都要睇得!沈震軒唔想局限於大台日拍夜拍,決定離巢外闖,早前正式簽 ...






脹卜卜心口還有格仔餅跟身,沈震軒勁似拍緊健身中心廣告。

探熱針

搣甩 A4身形沈震軒:唔打得都要睇得!

沈震軒唔想局限於大台日拍夜拍,決定離巢外闖,早前正式簽約太陽娛樂旗下,準備出碟又拍電影。想外界知道自己有大轉變, Sammy(沈之洋名)決定由個 body着手,要 A4身形變格仔餅跟身,當事人操足成年先至有成績,講到明不是純粹為影宣傳照帶來視覺效果,最重要是為做打仔鋪路:「唔打得都睇得嘛!」

練格仔餅由飲食開始

向來瘦底的沈震軒,大台年代長年維持 A4身形,難免俾人感覺孱弱。轉投太陽娛樂後,主攻唱歌、電影雙線發展,新公司講到明會開動作電影俾 Sammy嘗試,有個全新開始,又想外界知道, Sammy決定由個 body着手,「想自己睇落 man啲,唔打得都睇得嘛!」沈震軒說。

不想脹卜卜心口同格仔餅(腹肌)瞬間即逝,沈震軒先由飲食着手,以前開工,飯盒無肥膩(梅菜扣肉飯等)不歡,及後戒掉油、鹽、糖,與蔬菜、雞胸為伍,夾啱時間影爆肌宣傳照前要飛內地拍電影, Sammy坦言放飯時間難捱至極。「你知國內食物幾重口味,放飯時工作人員吃炒米粉、煎餃子,全部都係好味的食物,自己就食一早預備好的藜麥、白烚雞肉同菜,係人行過見到我嗰堆食物都忍唔住問:『震軒你食唔食啲呀?』然後我要避開,同佢哋講『唔好理我,得』我真係好想快啲完咗個放飯時間!」沈震軒說。





運動無間斷,引體上升對沈震軒來講當食生菜。





要推半個人咁高的車胎,沈震軒坦言無難度。

Keep住大隻

沈震軒自認為食,連最棘手的飲食習慣都處理得到,加上肯俾時間日日做運動,足足一年格仔餅先開始現形,其間為了爆肌更有睇頭,還飛到泰國加操,所以要推郁 gym房入面半個人咁高大的車胎, Sammy都話 easy job。「喺泰國推泥頭車嗰種車胎,還要在沙灘沙地上進行,成件事好 hardcore,好熱血!」

沈震軒推車胎推到幾吋事業線現晒形都話無難度,反而因為張家輝在《激戰》入面進行訓練時常見而爆紅的戰繩就考起當事人。「嗰個(戰繩)要做得好,好難㗎,望落去好似容易,因為條繩睇落唔係好重,但其實有細分不同重量,成件事好考個人嘅體能同協調性。」

練到心口脹卜卜,沈震軒坦言無刻意度過尺寸,不過大台年代買落的衫幾乎全部唔啱,心口掙爆唔在講,連膊頭位都變晒入膊,焗住要全數換新衫,辛苦成年總算無白費!





大台時期的沈震軒體形偏瘦,當事人自覺好孱。





轉會期空檔,沈震軒曾到泰國加操,仲學埋打泰拳。





沈震軒操肌不單只為影宣傳相,更重要係令自己睇落有男人味,方便轉型做打仔。





轉投新公司,馬上碌人情卡找來周麗淇做 MV女主角。

撰文:娛樂組 

攝影:黃志明、葉志明

化妝: Janice Chan 

髮型: Kel@HH


鍾意就快D Share啦!