藝人謝霆鋒到澳門與6位國際名廚參如米芝蓮晚宴，第二年出席的霆鋒這晚負責炮製「玫瑰泡芙及荔枝啫喱，玫瑰花瓣及香芹籽麵包條」。他認為做甜品很難：「甜品冇得救，入咗焗爐冇得加、減嘢，最有挑戰性。」他指這甜品要配合玫瑰及回憶的主題，又要現場擺盤，因此壓力很大：「創作嘅時候已經試過好多百次，但做1個同依家做600個好唔同。」他透露自己是首位到場，26日已來到適應廚房和焗爐，覺得每個焗爐都有自己的脾氣。問到有否機會與其他大廚交流？霆鋒坦言有，從譚國鋒身上學了很多：「中廚點可以咁乾淨？屋企唔會有中廚啲架生。（想挑戰咩菜色？）唔係想挑戰咩菜色，而係喺廚房每日都有新嘢學習。尤其做咁大量，每個通風口、每道門向邊邊，碟上啲粉可能吹歪咗都要計哂。」
明年開美食演唱會
新歌方面，他表示已準備了：「好快會推出。（2018年開騷？）唔係。我希望個騷係新嘅形式，我唔敢話開騷，可能係個美食嘉年華連concert。搞緊，但批文唔係咁易，因為我希望有好多元素。」他指《鋒味》的理念的是大家一起體驗，不是單單買或吃，又笑言如果易就唔好玩：「場地搵緊，好關鍵，室外太多控制唔到，室內又唔夠多人。（想幾多人？）我唔識，總之希望達到呢個目標。人數唔緊要，唔一定要3千或1萬人，係氣氛要好。」
繼續避談王菲
提到早前在蔡卓妍（阿Sa）生日會見過鍾欣潼（阿嬌）男友賴弘國，霆鋒笑說：「佢哋見家長！但我梗係唔評價啦，我哋係同事、朋友廿年啦，咁熟，佢哋開心就得啦。（你唔帶女友王菲？）人哋見家長。」他坦言尚有兩集《鋒味》要拍攝，但不會邀請阿菲：「我唔鍾意將自己感情嘢擺上銀幕。（你哋好少機會一齊幕前出現？）唔係咁……我希望做嘢就係做嘢。（阿菲有冇試過你呢個新甜品？）唔答呢啲啦。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
