2017年11月30日 星期四

文雪兒一年勁減 20磅親姊元秋跟埋去收身 [壹週刊 - 1447] __,雪兒,元秋,蔣麗芸,文雪兒,M1,

探熱針文雪兒一年勁減20磅親姊元秋跟埋去收身退隱多年,張國榮的熒幕情人文雪兒,早前戲癮急call,殲滅十二磅肥肉自薦返大台拍《溏心風暴3》。之後她繼續 ...






探熱針

文雪兒一年勁減 20磅親姊元秋跟埋去收身

退隱多年,張國榮的熒幕情人文雪兒,早前戲癮急 call,殲滅十二磅肥肉自薦返大台拍《溏心風暴 3》。之後她繼續 keep弗,再搣甩八磅肥肉,一年合共勁減二十磅。親姊元秋見她瘦咗兩個碼,即刻跟埋去收身!







文雪兒早前巡新鋪,成個人瘦咗一個碼,佢話連老公都詐型,叫佢唔好再瘦落去。





自薦拍電視劇《溏心風暴 3》,文雪兒愈減愈瘦,被監製笑指差啲認唔到佢。

面尖尖手腳纖幼

現年五十七歲的文雪兒,九一年淡出娛圈做人妻,十多年前開始投資美甲店,現已擴展到十一間鋪。日前她精神奕奕去將軍澳巡鋪,面尖尖、手腳纖瘦,身材明顯比以前更弗,狀態甚佳。

「《溏心 3》監製劉家豪見到我,都話我比幾個月前拍劇瘦咗好多,問我驚唔驚啲人認唔到?(元)秋姐早排見到我,知我身體好咗,仲即刻話跟埋我去減肥,其實佢想養生多啲,因為佢個形象有啲肉地,不過要身體好,最重要係有毅力。」文雪兒說。

原來她客串完《溏心 3》後,繼續減肥,一年內由一百三十磅減到一百一十磅,成績驕人。親姊元秋見她靚咗又弗咗,嚷着要跟她一起去減肥,可惜元秋沒恒心,所以減得好慢。





2016年/2017年:初出道,她跟導演楚原經常合作,一班舊同事每年都有聚會,去年在楚原身後的她,圓潤富泰。





家姐元秋早前見她瘦咗又靚咗,即刻開口要求一齊去減肥。文雪兒指元秋最想是調理好身體,反而不心急減磅,反正她的形象都是有肉地。





兩姊妹前兩年去日本旅行,文雪兒同元秋都係肥嘟嘟好有肉地。





11月,她去慈善 ball,跟楊玉梅同枱,兩個凍齡女人都依然有睇頭。

多得楚原激勵

「我有用『和諧能量波』減肥,算係天然療法,同時食少啲嘢,要忍到口,改為食健康嘢。我出咗名係麒麟臂,有十四吋,依家大約十一吋,成個人瘦咗,啲衫要換過晒,但老公唔鍾意我咁瘦,要我食番多啲嘢。」她表示。

的起心肝瘦身,全因好友導演楚原。她笑說:「楚原每年生日都會請舊同事食飯慶祝,舊年佢見到我,就問我做乜肥咗咁多,我咪下定決心減囉!今年佢生日,就話我真係瘦咗好多,成個人唔同晒。」





初出道跟張國榮飾演情侶,她說那時食極唔肥。





元秋拍《功夫》時,要刻意增肥,自此冇瘦過。





娛圈近年興起坐一塊叫和諧能量波嘅電板,除文雪兒會喺 fb介紹,生完女嘅陳自瑤,原來都係同道中人。

撰文、攝影:娛樂組


鍾意就快D Share啦!
Related Posts Plugin for WordPress, Blogger...