掃呢頁CODE去手機

2017年11月30日 星期四

縫縫補補 [壹週刊 - 1447] __,M1,

坦白講縫縫補補公仔Fatina身上的針線痕跡,是曾奪傑青的設計師麥雅端(Prudence)刻意添上的特色。在加拿大半工讀大學,Prudence在酒樓內 ...






坦白講

縫縫補補

公仔 Fatina身上的針線痕跡,是曾奪傑青的設計師麥雅端( Prudence)刻意添上的特色。

在加拿大半工讀大學, Prudence在酒樓內包辦洗廁所和捧餐;回港後,在僅一百呎劏房內創作。

多年後她的品牌生意稍有起色,由 SOHO小店發展至 PMQ三千呎大鋪,但最終與 PMQ方向不合和難抵三十萬元月租,需提早離場,遷至工廈。

她不言敗的精神,全靠半生任職懲教署的父親,三十多年來一直「鬧爆」她。雖然與父親幾乎決裂,但善於「縫補」的她,一步一步修補父女關係。

自閉





Chocolate Rain一系列的角色身上,例如 Fatina(右),也有

縫線面珠作為特色。

「 Dear Prudence, won't you come out to play. Dear Prudence, greet the brand new day.」細個英文堂老師話要有英文名,屋企人識鬼改英文名咩!我喺收音機聽到 Beatles《 Dear Prudence》呢首歌,又鍾意個古仔,講 Prudence係個自閉嘅女仔,叫佢多啲出去玩,我覺得幾啱我呀,我成日淨係匿埋畫嘢,所以幫自己改名做 Prudence,鼓勵自己出去認識多啲人。

細個住赤柱木屋,三號風球要喺屋企擔遮。住赤柱有個好處,木屋區上面係豪宅區,我阿爺會收好多舊嘢、爛嘢返嚟,垃圾站有好多好靚但係爛咗少少嘅玩具,我哋會整番好佢,亦令我鍾意咗手作。例如有啤啤熊爛咗隻眼,我就貼個襟章喺佢隻眼度; Barbie啲頭髮俾人剪晒,我就幫佢整番頂帽,我記得我啲玩具多到會派俾同學仔。

其實由讀藝術、創業、開鋪、搞工作坊,呢十幾年來我都遇過好多挫折,被人打擊無數次,我都仍然可以堅持落去,原因係我「贏在起跑線」。

撕裂

呢樣嘢真係我有,但你哋冇,就係我老豆。由我出世、讀書、去到有自己鋪頭,我老豆都話我唔得㗎。細個鍾意做手作,佢就鬧爆我話:「唔好搞咁幞嘢!快啲讀書!」然後就掉晒我啲畫同作品。到大學讀藝術,佢就話:「返到嚟就乞食做梵高一世人都淨係賣得一幅畫。」

○八年攞到獎學金,我終於可以去夢寐以求幞 Central Saint Martins進修設計學碩士,佢話:「喂!納稅人啲錢嚟㗎,唔好浪費喎!」去到五年前攞十大傑青嗰陣,佢都係話:「你都得?」所以我人生每一個階段,佢都總係「激勵」緊我。

曾經我哋關係好差,我大學畢業後寧願搬去一間得一百呎,無廁所、無廚房幞劏房,都唔想返屋企聽到老豆幞「激勵」。最經典係我創業頭一兩年,被佢發現我食、瞓、住都喺嗰間劏房入面,佢就捉我落去巴士站,鬧我:「跟我搭呢班巴士返屋企!如果你唔返嚟,就以後都唔好返嚟!」好老土嗰啲電視劇對白咁呢。嗰陣落緊雨,放工時間成條街都係人,我喊晒,佢就好嬲咁鬧我,到依家個畫面仲喺我腦海入面,好清晰。





除了助養小朋友, Prudence最近為宣明會設計了一副遊戲棋,連接手機還可以透過 AR形式播放短片。



修補





由近乎決裂到現在父女關係得以修補, Prudence閒時還會跟父親行山郊遊。

但係依家我大個咗,明白父母只係唔識表達,其實可能真係激勵,只不過用錯字眼。而我最叻嗰樣嘢,又係贏在起跑線,就係我專門縫縫補補㗎嘛!同我媽媽一樣,爛咗幞嘢我都會盡力補番。同爸爸呢段關係撕裂得咁勁,唔可能靠支 AA膠,兩秒就黐番埋。你一定要一針一線,將每個碎片,用心機拼番埋佢。

我用咗好多年去修補,畫幅畫都會俾老豆睇,搞展覽就捉佢嚟睇。雖然唔敢返屋企食飯,但我不時去外國擺展覽就帶埋老豆去,話就話搞展覽好似好型咁,其實咩都要自己落手落腳做,佢見到我咁認真去做好自己幞品牌,就慢慢接受我幞工作。

依家我哋直情可以大家戙高隻腳食花生飲啤酒,談天說地。我用緊老公同媽媽幞名義,去助養貧困地區幞小朋友,下一個就準備用老豆個名去助養,不過我仲慢慢解釋緊俾佢知,點解我要使呢筆錢。我覺得助養係一種福氣,我想俾咗嗰啲福氣佢哋,亦俾佢哋知道出少少力,影響力都可以好大。

我個「女」 Fatina身上有好多補痕,代表我哋細個所有衫都俾阿媽補過。雖然以前住木屋區好似好慘,但起碼有飯食,件衫爛咗仲可以補,但係我哋助養緊幞小朋友,佢哋屋企可能連買針線幞錢都冇。

有人問我:「點解 Fatina成日都合埋對眼?」因為我希望唔單只我可以實現夢想,所有人同小朋友都可以好似 Fatina咁可以發夢,用個心去感受世界。

撰文:劉卓瑩

攝影:林金展


鍾意就快D Share啦!