網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月14日 星期三

歐聯:曼聯魔性唔澎湃!西維爾後備殺手6分鐘降魔 __,曼聯,

即上英超刨績王:http://win.on.cc/epl曼聯周三喺主場,同西維爾踢歐聯16強次回合賽事。雙方今場互有攻守,點知名氣大到爆嘅紅魔鋒線,竟 ...




即上英超刨績王:http://win.on.cc/epl

曼聯周三喺主場,同西維爾踢歐聯16強次回合賽事。雙方今場互有攻守,點知名氣大到爆嘅紅魔鋒線,竟然唔夠西維爾鬥。客隊下半場換入後備殺手賓耶達,呢位法國兵6分鐘入2球,最終助球隊以2:1降魔!曼聯夢劇場嘅歐聯好劇,今季要喺16強落幕。

西維爾去到夢劇場都未驚過,一開波就同紅魔搏槌。客隊見龍就起腳,但係就冇乜具威脅埋門。紅魔37分鐘有個大好機會,踢走保羅普巴打正選嘅費蘭尼,同阿歷斯山齊士撞牆,禁區內勁Bang畀門神沙治奧列高救出。主隊喺費蘭尼差啲開紀錄之後,掀起一輪狂攻,令到西軍門前一片風聲鶴唳,但係都冇斬獲,半場雙方以窿窿返更衣室。

兩隊換邊後繼續鬥攻,紅魔壓前令到中後場多咗空間。賓耶達72分鐘上場,上陣6分鐘就KO紅魔。西維爾首先喺74分鐘一次快攻,有沙拉比亞攞到波冇人看管,睇準時機直線傳畀賓耶達,呢位法國前鋒撥橫避開艾力拜利,射穿迪基亞十字關。

寸王即時撳制加強進攻,點知4分鐘後班拿加左路出波,祖亞昆哥利亞二傳畀賓耶達頂入,迪基亞拍到,但係個波過晒白界,入球有效!曼聯唔係冇機會拉近比數,但係盧卡古接應後備上陣嘅桑馬達傳送,近門竟然射高。不過,呢位比利時射手喺83分鐘一次角球攻勢,近門半車身抽入,為紅魔保住一線生機。可惜一切都已經太遲,西維爾最後以2:1贏波入8強。

紅魔今季英超畀曼城拋到喊,爭標幾近無望,依家只係剩番英足盃,寸王要避免四大皆空,英足盃真係唔可以有咩差池!

Go Go 開波 GOAL DX 策略手遊

贏盡100萬現金獎賞 https://goo.gl/irtKhK

東網體育FB同你追實體壇每個精彩時刻!

http://bit.ly/2ecTF2A


來源 source: http://hk.on.cc
鍾意就快D Share啦!