楊明趁機笑江嘉敏老，要快啲搵另一半。
藝人楊明和江嘉敏（Kaman）今日到電台宣傳剛開播的無綫劇集《果欄中的江湖大嫂》。楊明甫出現即慰問肚屙的Kaman，原來她兩日前與龔嘉欣食完日本菜開始腸胃不舒服：「好誇張，試過臨出門口之前衝返屋企屙多五、六次再落返去揸車！好彩今朝睇咗醫生，覺得自己屙到瘦咗。（嘉欣有冇事？）希望佢冇事，佢已經返咗大陸拍劇。」
搞笑嗌黃浩然脫衣派福利
講到新劇，楊明表示對於成績理想感高興：「自己睇咗幾集，知道第一集跨平台收視有28.1點，希望條線會一直向上升，快啲到3就好喇。（如果成績好會唔會派福利？）我就唔會喇，叫黃浩然脫罷喇，不過都係唔好，驚佢影響市容，哈哈哈！」
他又欣賞同劇演員甄詠珊：「知道佢今次個角色都多人讚，佢個角色係有真人真事做藍本，覺得佢嘅演繹亦都入形入格，其實佢又長期將自己個情緒保持喺個角色入面都好辛苦，尤其佢咁靚女，又要扮醜又要搬搬抬抬。」
呻忙冇時間識新朋友
問今日是白色情人節，楊明如何跟女友莊思明慶祝？他即笑說：「佢最近都忙呀，接咗兩套劇，佢話今晚有一場戲要拍，如果可以準時收工嘅話希望可以同佢食到餐飯！（會買花？）唔會喇，好彩佢唔鍾意花。（會唔會接佢收工？）各自揸車喇，使咩去接。都係希望好似普通嘅日子咁過。」旁邊的江嘉敏苦笑說：「我只希望自己今日唔好同廁所過！（會唔會同追求者過？）要過就同真嗰個過喇，可惜我依家冇，工作太忙，都唔得閑識新朋友。」楊明即抵死笑對方：「快啲搵番個啦，你老㗎喇！」
來源 source: http://hk.on.cc
|
鍾意就快D Share啦！
|
|
|