太極樂隊在紅館的一連兩晚《歐洲坊呈獻太極交響狂熱演唱會》頭場開鑼。到Encore環節，由鄧建明（Joey）的兒子Justin打頭陣出場表演長一分鐘的花式打鼓表演，期間換了新服裝的太極六子出場，Joey走到兒子身邊監督，一度令Justin表現尷尬。太極隨後同Justin合作歌曲《樂與悲》，唱完之後Patrick說：「大家畀多啲掌聲Justin！Justin你有冇嘢想講啊？」Justin腼腆不語，Joey取笑他：「你喺屋企唔係好多嘢講嘅咩？」最後Justin只講了句：「多謝！」就匆匆落台，Joey瀟灑地揮揮手：「拜拜」
不過Justin落台之後，Joey才感性地稱讚兒子：「十六年真係過得好快，原來眨吓眼由佢啱啱出世開始到依家已經過咗十六年，點解時間會過得咁快？以前啲人成日話快高長大，依家我反而想時間過得慢啲，或者重溫過去嘅日子。其實頭先嗰段表演，佢到尋日都仲未組織好，係因為我哋逼佢，佢先至完成，佢忍受咗。我要同佢講聲『Sorry, Justin. You did great！』」
之後輪到鼓手朱翰博（Ricky）同管弦樂團合作表演了一段solo打鼓，成員坐在台上欣賞，Ricky說：「從未試過咁樣單獨表演打鼓，我依家好興奮，其實我又好驚，因為我要唱歌喇！」講完之後Ricky獨唱《和太極一起走過的日子》，並由Patrick代為打鼓。
太極再唱多一首《一切為何》，輪到低音結他手Eddie首度開腔：「大家有冇發覺我今晚冇講過嘢，可能會有人問我做咩開騷又唔唱歌又唔講嘢，其實我平時係好多嘢講，導演專登畀咗個好重要嘅位畀我講。」Eddie隨後在台上多謝各個合作單位。
太極再演唱多首《幾個十年》，雷有曜（Patrick）宣佈有管弦樂團的部份結束，和觀眾一起歡送所有管弦樂演奏者下台。
|
鍾意就快D Share啦！
|
|
|
