毛舜筠「戲」勢勁 鄧麗欣多人打氣！
鄧麗欣（Stephy）近年因收入激增而愈住愈富貴，入行前居住屯門大興邨，後來加入組合Cookies而為人熟悉，組合雖解散但成功轉戰影壇，其主演的《獨家試愛》等愛情電影更大收旺場，帶摯她進駐大埔比華利山的4,000呎獨立屋，有指月租逾8萬元！Stephy與周秀娜爭后難分難解，連背景都不相伯仲！Stephy早前憑《空手道》於第24屆香港電影評論學會大獎及香港電影導演會封影后，為角逐金像獎影后打下強心針。
對於被視為大熱之一，Stephy直言心情開始緊張：「其實係呢幾日開始先識得緊張，因為好多人都問我，又講好多睇我好之類嘅說話，搞到我愈嚟愈緊張！我盡量都唔諗太多，反而最緊張係嗰晚夠唔夠靚、狀態夠唔夠好，所以呢幾日盡量爭取啲時間休息，同埋喺屋企敷多啲Mask，希望以最佳狀態去參與盛事。」
張艾嘉周迅望重溫舊夢
除了兩位後起之秀被睇高一線外，好戲之人毛舜筠亦被視為大熱門之一。毛舜筠曾六度獲得金像獎提名，2006年勇奪最佳女配角，加上早前在香港電影導演會與Stephy齊齊封后，可謂勢均力敵。至於曾奪台灣金馬獎及金像影后的張艾嘉，以及曾奪金雞獎、金馬獎及金像獎而被封「大滿貫」影后的內地女星周迅，今屆分別憑《相親相愛》及《明月幾時有》力爭再奪影后殊榮，鬥得難分難解。
來源 source: http://orientaldaily.on.cc
|
鍾意就快D Share啦！
|
|
|
