43歲的彭秀慧活躍於舞台劇，既是演員又是監製，但於電影圈則是新人，她首次執導的電影《29＋1》獲提名本屆金像獎最佳導演、新晉導演及最佳編劇，於同屆獲三項提名實在罕有。
對於今次與張艾嘉、許鞍華等力爭最佳導演，彭秀慧日前接受本報專訪時表示會以平常心面對，問到三項提名可想獲獎？她坦言：「但凡一個參賽者都會想攞，有提名對老闆算是有個交代，我只能擁抱現在的運氣，再去睇之後要點做。」首次做電影導演，她給自己78分：「有好多要學習，未有經驗去面對，希望往後仲有機會去填補呢啲空間。」
「流緊演員血」
彭秀慧08年憑個人劇場作品《再見不再見》獲香港舞台劇獎最佳女主角（喜/鬧劇），她稱：「畢業後一直做演員，演員血喺我身入面流緊，好多時我都係由演員感受出發去睇一件事，一個剪接，我都係由人物出發。近十年，我搞自己嘅製作，用一個劇本去處理，培養自己對眼，我真係一個新晉導演，我適合，但係未必係我最擅長，對我嚟講電影工作要深思熟慮。」
張艾嘉是彭秀慧偶像，二人同是演員、編劇和導演，會創作女性題材故事，彭秀慧說：「好少有呢個類型創作演員，所以我對張艾嘉有一種膜拜，佢好有韻味。我唔敢高攀話自己希望成為佢，我希望向佢呢個方向踏實地走。」
採訪：張俊銘
場地提供：hmv
|
鍾意就快D Share啦！
|
|
|
