呢個難關真係唔易過。
藝人寶珮如接受奇妙電視節目《是敢的》的訪問，大談處於艱難日子的心路歷程，以及如何在灰心喪志下，勇敢地重新振作，戰勝逆境。1999年，寶珮如於回家途中發生嚴重車禍，導致盤骨碎裂、面部毁容，令她不得不放棄演藝工作。七年來經歷大大小小的手術，她自言破相是她最大的致命傷：「因為我好貪靚，見到個蜈蚣咁嘅傷口我好傷心，手術後冇人敢畀鏡我睇。」為負擔昂貴的醫藥費，寶珮如經濟拮据，靠朋友借錢生活：「借錢如吞三尺劍，因為借完再借，我覺得好自卑，但係因為咁我體會到人情冷暖。」提到好友袁潔儀一直不離不棄，寶珮如感觸落淚：「當時佢同我講，佢有飯食，我就有飯食，每次提起都充滿感恩嘅眼淚。佢知我唔好意思開口借錢，佢自己主動畀我，我欠佢太多，我覺得佢係耶穌畀我嘅天使。」
老公鼓勵重投演藝事業
手術後寶珮如一度感到迷失，不斷用安眠藥麻醉自己：「當時男友若即若離，我又唔想再借錢度日，覺得自己冇力量再行落去，就收埋一堆安眠藥，想瞓一覺就算。」但幸好在信仰帶領下，寶珮如開始接受破相的自己，收拾心情重新投入社會。2011年，她與任職廉署的男友拍拖兩個月閃婚，亦因丈夫鼓勵，她決定重投演員之路：「係我老公見到《藍天白雲》招募新演員叫我去試吓，當時佢送我去到面試場地，我仲好忐忑入唔入去，但我諗起佢做咗咁多嘢，唔去好似對佢唔住。」最後她被選中獲得演出機會，更入圍角逐本年度金像獎最佳女配角。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
