林超賢接受電台訪問。
導演林超賢憑《紅海行動》成為全球最賣座華語電影的香港導演，林超賢在電台《舊日的足跡》訪問中，大談電影報捷的心情，並分享今屆金像獎的心水名單。被問可有興趣到荷里活發展？林超賢指一直也有人與他聯絡，但自己暫時沒有這個想法︰「好多前輩都做過呢件事（到荷里活發展），係咪好到不得了？又唔係，要跳入佢哋嘅體制，我未必接受到。如果到荷里活只求一個榮耀，我暫時唔需要，除非佢哋嘅體制有所改變，我有話事權，咁就值得一試。」
對拍攝要求勁高
林超賢對電影拍攝要求甚高，所有場景以至演員均要呈現最真實的一面，更要求在摩洛哥拍攝長達五個月︰「我嘅作風係，做一部電影要用多於一倍以上嘅付出，但並唔係每個人都願意。一線明星拍一套劇都有一、兩億收入，佢哋更加冇時間。其次係佢哋嘅外形都唔似個軍人。」他回想當初決定找來沒有經驗的新面孔擔任主角時，投資方認為風險很大，不感樂觀。
睇好古天樂
香港電影金像獎頒獎禮明晚舉行，林超賢接受訪問時亦分享自己的心水選擇，他睇好《明月幾時有》拎「最佳電影」，因為電影的感覺「好香港」，而他心水的最佳導演是許鞍華。林導心水的「最佳男主角」則是古天樂，因他在電影有突破表現，應該有「搏命分」。至於「最佳女主角」，林超賢坦言自己還未來得及欣賞毛舜筠在《黃金花》的演出，但周秀娜的演技表現極有提升。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
