毛姐1.0，毛姐2.0，真係睇唔出分別？一年時間，毛姐竟然逆齡生長，塊面皺紋少咗，不過就有啲膠，重手咗喎。
現年55歲毛舜筠，為了做廿四孝媽咪，近年接近全面停工，陪廿歲大女令山到加拿大升學。今年初毛舜筠返港與朋友聚會，大家不約而同讚她又靚又後生，當事人解釋是加拿大空氣環境好，加上有代言健康產品進補，所以分外容光煥發。不過毛舜筠友人就透露，唔少「同道中人」，一眼就睇穿佢係經過人工修葺。
上週四（5月28日）下午，毛舜筠去蘇志威位於觀塘的跳舞學校學跳舞。離開時跳到身水身汗，毛姐素顏戴超，雖未能飽覽人工芳容，但邊大邊細的鼻窿，雙唇兩旁繃緊，一清二楚。
上週六（三十日），毛舜筠與老公區丁平以及細女亦山一家三口到圓方出席《唱出我天地》首映，在化妝遮掩下，毛舜筠的大細鼻窿情況略有改善，但下半截的硬膠面，卻無所遁形。毛舜筠貪字得個硬！
來源 source: http://nextplus.nextmedia.com
|
鍾意就快D Share啦！
|
|
|