金像獎大熱玩晒 古天樂月內5度稱帝 毛舜筠含淚封后
47歲影星古天樂（古仔）昨晚眾望所歸首奪金像影帝，是他一個月內第五個男主角獎項，古仔手握拳頭肉緊致詞，直言全靠永不放棄的精神！而57歲的毛舜筠開齋贏得金像影后，揮低勁敵鄧麗欣，她激動含淚表示好像發夢一樣，感激老公及兩位女兒支持，感覺幸福。
《第37屆香港電影金像獎頒獎典禮》昨晚在尖沙咀文化中心舉行，盛會星光熠熠，有大批電影人出席包括成龍、趙薇、古天樂（古仔）、葉德嫻、任達華、黃秋生、蔡卓妍、張繼聰及薛凱琪等。
全晚頒發多個獎項，最受注目的影帝由古天樂大熱贏得，出道25年的他在電影《殺破狼．貪狼》中，既有破格打戲，又演繹出父親尋失蹤女兒的催淚感情，早前已橫掃四個影帝殊榮，包括亞洲電影大獎、香港電影導演會、微博給力電影男主角及電影網站的民選影帝，昨晚再下一城榮升金像影帝！宣布賽果一刻全場掌聲如雷，古仔在台上拎出貓紙，不時手握拳頭直認緊張：「當年我同楚原叔拍劇等埋位，佢一句話，我學到今日，係記住永遠每句對白都唔好放棄，因為一部好嘅電影係唔可以放棄！」並多謝導演葉偉信、監製黃柏高、動作導演洪金寶及家人：「我咁大個仲同屋企人住，每日都係阿媽叫我起身，最緊要有家人支持，就好似香港電影呢個大家庭咁要互相支持。」
凌文龍多謝「阿媽」
好戲之人毛舜筠在電影《黃金花》中飾演育有一名自閉兒子的母親，狂晒超班演技，六度提名金像獎獎項的她，曾於2006年奪得女配角獎，早前她在導演會年度大獎與鄧麗欣齊齊封后，入行42年的她昨晚終首奪金像影后，她得悉得獎時表現驚訝，邊喊邊致辭：「好似發緊夢咁，多謝神！我唔敢諗，驚自己又失望。」她多謝投資者及一眾姊妹蔡少芬、商天娥、鄭裕玲及曾華倩等鼓勵：「我知我爹哋喺天堂見到一定好開心！仲有要多謝兩個女，我輸嘅時候睇住佢哋啲相，我話已經得到最大獎！到依家攞埋，太幸福喇！最後唔講呢個就死得，多謝老公區丁平！」
最佳電影是《明月幾時有》，最佳導演由70歲的許鞍華憑同片第六次奪得此殊榮，她台上多謝投資者及所有演員，並指拍攝有關香港歷史的電影是自己一直夢想。
至於有份越級爭影帝、31歲的凌文龍大熱贏得最佳新演員獎，他在台上哽咽地多謝戲中母親毛舜筠的照顧，又多謝契媽余安安義務做他經理人，兩位前輩在台下都激動落淚。
終身成就獎由50至80年代導演楚原獲得，他曾執導《七十二家房客》、《可憐天下父母心》及多部古龍改編電影，現年84歲的楚原與太太南紅及六歲孫女上台領獎，他笑指人生無常：「當年拍咗套破紀錄電影，人工加十倍，但十幾年後拍咗幾部仆街片，方逸華小姐唔畀我再拍，仲話我唔識電影藝術，任何人無論風光失意，天光一樣要起身生活。」
彭秀慧謙奪「新進導演」
此外，彭秀慧憑《29+1》擊敗賽前大熱的杜汶澤獲得「新進導演」，有十萬元獎金作鼓勵。她得獎後說：「多謝彭浩翔帶我入電影世界！多謝我個監製，佢係我嘅心靈雞湯！多謝葛民輝，佢客串外，仲教識我要保持創作，唔好忘記創作嘅靈魂、最想講嘅故事。」彭秀慧受訪謙稱不覺是擊敗杜汶澤：「各自做好各自嘅事啫！（佢話睇你套戲睇到眼瞓喎。）唔同觀眾有唔同反應，我做好晒心理調節。」而曾揚言不想見「業界垃圾」的阿澤拖太太到場，自言有責任代表台前幕後出席頒獎禮。
文：影視組
|
鍾意就快D Share啦！
|
|
|