印度巨星阿爾米罕（Aamir Khan）、女星Zaira Wasim和歌手謝安琪（Kay)出席電影《打死不離歌星夢》「歌聲夢飛翔」啟動禮，吸引近三百粉絲到場，當中有不少外籍人士。阿爾米罕和Zaira Wasim在台上與現場觀眾打招呼，Zaira Wasim表示在上一部《打死不離3父女》中，阿爾米罕是一個嚴肅的爸爸，但今次飾演一名搞笑有趣的監製，笑言在拍攝過程中要忍笑好辛苦。大會又安排他們與觀眾大玩遊戲，阿爾米罕更親身教導跳Bollywood舞蹈，盡顯親民。至於Kay則現場演唱電影主題曲《歌聲如初》，獲阿爾米罕大讚歌聲悅耳，及充滿感覺。
同大學生做分享講座
受訪時，談及三人到場前去過香港大學做分享講座，阿爾米罕直言能夠與師生一齊對話交流感到開心，問對香港學生的印象，他說：「佢哋好閃亮，有追求同好奇心。」問可有想過下部電影的題材？他表示月尾會完成新作品，以奇幻歷險為主：「我個角色係一個唔可信嘅人，有時贏得你信任，但轉頭會令你失望。（有諗過參與香港電影？）我已參加咗香港金像獎，好開心見到好多巨星，好想同佢哋合作。」
問今次可會四處遊覽？他們表示沒有時間，希望好快可以再次訪港。問Kay有否向對方介紹地方？她說：「冇，不過介紹咗麥浚龍嘅電影畀佢，叫我寫張List，但會靜靜雞寫啲張繼聰落去。（排邊個先？）Juno第一先，張繼聰係佢逼我咁做。」談及歌曲需要不斷飆高音，是否難度很高？她表示其實唔算好高，但原著充滿印度色彩，轉做廣東話很難保留韻味：「首歌本來係寫畀一個年青歌手，個Key係好高，用番原Key係有難度。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|