（Getty Images）
即上英超刨績王：http://win.on.cc/epl
曼城爆大冷輸畀包尾大幡，提早五輪將英超冠軍，拱手相讓畀死敵曼城！上輪先神勇反勝藍月亮，今輪主場出擊對西布朗，以為曼聯食硬對手，點知客軍門將賓科士打變身迪基亞頻頻神救，搞到紅魔冇晒符，調轉頭西布朗下半場憑積洛迪古斯偷雞入一粒，爆大冷贏1:0。曼聯輸波後落後死敵十六分，聯賽只剩五輪，曼城提早封王。
紅魔鬼今仗出盡A山、盧卡古、保羅普巴及桑馬達，於奧脫福強攻對手。曼聯上半場理所當然佔得優勢，圍攻對手之下，客軍後防奇治戴臣曾於禁區內踩低安達靴里拉，不過球證卻冇表示。之後A山、盧卡古先後起腳，都未能射破對手門將十指關。於28分鐘，普巴禁區內升起跳頂時間唔啱，搏懵出「上帝之手」攻門，球證睇到梗係畀面黃牌佢。曼聯上半場雖然狂攻對手，但始終入唔到波，只能打和0:0。
換邊後曼聯繼續採取主動，攻勢愈來愈入肉，66分鐘曼聯左路傳個波入禁區，盧卡古六碼點勁頂，點知畀賓科士打反應勁快橫身撲出。70分鐘連格禁區頂勁射，可惜省中人柱邊出界。你唔入就我入，73分鐘積洛迪古斯近門頂入，為西布朗先開紀錄。曼聯隨後瘋狂進攻，完場前盧卡古及基斯史摩寧分別攻門，可惜都破唔到客軍血肉長城，最終輸0:1全失三分，將英超冠軍送畀曼城。
Go Go 開波 GOAL DX 策略手遊
贏盡100萬現金獎賞：https://goo.gl/irtKhK
東網體育FB同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|