林子善希望有多啲賺錢機會，不過佢就話鍾意留喺香港多啲。
藝人林子善到新城接受薛家燕訪問，透露即將首次為內地網絡大電影擔正做男主角：「導演嘅媽媽好鍾意我，簽約嗰日我好興奮！」子善指故事與自己有點似，內容講述一個一夜成名的演員遇上人生低潮，最後靠朋友支持而翻身。他坦言希望有多點賺錢機會，不過較喜歡留在香港：「我鍾意同聲同氣，同埋唔想離開太太咁耐，佢會擔心我，我都會好掛住佢。（想搵定奶粉錢？）儲首期先，希望有個安樂窩，喺BB出世之前置業。」
對於有傳契妹唐詩詠與洪永城（Tony）復合，子善表示冇收到風，但希望Tony對詩詠好：「詩詠開心我就開心，希望有個男人對佢好，唔係玩玩吓或者嘥佢時間，想結婚先一齊。」子善形容詩詠很看重愛情，既單純又易信人，子善直言：「邊個對詩詠唔好，我就唔妥邊個。」
來源 source: http://hk.on.cc
|
鍾意就快D Share啦！
|
|
|