黃浩琳最近就喺Live house演出。
歌手黃浩琳（Lillian）日前到大角咀一間Live house演出，表示是次出騷很大壓力，因為當時忙學業功課，加上要預備演出，緊張到塊面敏感，但表演完後就發覺自己很喜歡這個演出環境，大讚觀眾很專心，她謂將在這有第2次演出，吸收上次經驗後不再緊張，而5月將有第3次演出。講到她現時正讀音樂治療，她表示：「好開心讀到呢科，以前大學畢業時已想讀呢科，但嗰時只有外國有得讀，所以就冇揀，同埋嗰陣一心想做唱作人，所以專注寫歌，到依家過咗7年，喺唱作方面都掌握得幾穩陣，喺度諗自己可以再做多啲咩，就諗番起音樂治療，好開心依家香港都有得讀，覺得時間好似較得啱啱好咁。」
Lillian亦謂讀音樂治療可以更發揮到自己、認識更多音樂，亦更發揮到治療的作用，她亦謂初初讀書很緊張：「因為好耐冇番學，驚聽唔明先生講嘅嘢，同埋音樂治療有一半係關於心理學，但我以前讀心理學成績唔好，但之前上咗3堂，上得好開心，同埋冇預計自己原來都成為獲治愈嗰個，覺得自己開心咗好多。」
問到班上可有靚仔同學？她謂只有4個男同學，笑言覺得全部同學都很平和及善良：「個個都心地好靚，所以都係靚仔靚女。」講到她最近容光煥發，問是否有愛情滋潤？她否認拍拖，笑言：「因為閉關呢段時間有諗點樣演出好啲，都有思考打扮同談吐，我依然都期待拍拖。」另外，她透露日前考車不合格，希望下次再接再厲，最希望考到車牌後一年可以有國際牌，到時可以自駕遊。
來源 source: http://hk.on.cc
|
鍾意就快D Share啦！
|
|
|