熱爆娛樂: 【狗仔出更】愛B愛夫又愛犬巨肚熊黛林孖老公帶狗睇獸醫 _

2018年4月8日星期日

【狗仔出更】愛B愛夫又愛犬巨肚熊黛林孖老公帶狗睇獸醫 __,熊黛林,

熊黛林(Lynn)前年嫁俾家族坐擁百億資產嘅富二代郭可頌，去年宣佈懷孕，預產期約於今年5月，Lynn好快就會榮升做潮媽嘅行列，上月佢仲同老公郭可頌影咗一輯好Sweet嘅孕照，幸福指數爆晒燈

(新聞連結：https://bit.ly/2p70qqZ)

雖然將做媽媽，但Lynn都冇離棄家中嘅愛犬，日前佢就腹大便便咁抱住狗狗去跑馬地到獸醫診所做檢查，當然愛妻號郭可頌都有陪伴身邊

當日下午三時許，Lynn就同老公郭可頌離開天后嘅寓所，見到郭可頌充當「柴可夫」，而腹大便便嘅Lynn就抱住愛犬，登上座駕嘅後座做乘客。然後郭可頌就驅車到跑馬地，但因為搵唔到泊車位，郭可頌就喺跑馬地兜咗兩條街先搵到車位。

泊好車後，郭可頌先落車，然後就幫老婆開車門，Lynn就抱住愛犬，好小心嘅落車，郭可頌就好細心咁扶住老婆。原來佢哋係帶狗狗去睇獸醫，入咗診所後不久，郭可頌就先行離開診所，見佢返回泊車位取車，但佢並唔係離開，原來佢係想將架車泊近啲診所。見佢一直喺車上等候，期間見佢接聽電話，之後佢就落車折返診所，相信係老婆大人Lynn致電俾佢，通知佢狗狗已經睇完醫生。然後郭可頌去診所接老婆。

兩公婆步出診所時，就改由郭可頌抱狗狗，Lynn行出診所時，就發現有記者，佢亦好友善咁向記者揮手，然後隨住老公行去座駕，然後登車離開，由郭可頌駕車返回寓所。

另外，郭可頌雖然身家豐厚，但講到照顧老婆，佢就全不假手於人，好似早前佢就被《蘋果》影到佢獨自一人去到北角電器道街市買餸。當日下午四時許，見一個己揸住駕紅色跑車到電器道街市，泊好車後，佢先去一間茶餐廳買新鮮出爐嘅麵包，然後佢就麵包放上車。接着就去到街市買餸，買咗啲菜、豆腐等等，最後一站佢就係去斬料，買咗啲燒味先離開街市，直接驅車返屋企。

精選娛聞，喺晒《娛果》

http://fb.com/appledailyent

採訪、攝影：孔志豪、畢紹基	即將榮升做潮媽嘅Lynn，對愛犬不離不棄，日前孖老公帶狗狗去睇獸醫。	佢哋泊好車後，慢慢行去診所。
離開時，到老公抱住狗狗。	Lynn發現有記者，都好友善咁揮手。	腹大便便嘅Lynn行路時都小心翼翼。
早前佢就喺社交網分享美麗孕照。(資料圖片)	(資料圖片)	(採訪、攝影：黃曉程、羅德光)
郭可頌親力親為去買麵包。	更上街市買生果。	買菜
	跟住揸住架紅色跑車返屋企。