周家蔚真係廿四孝媽媽呀！
星期日，家庭日，梗係開開心心同屋企人出去玩喇！好似藝人周家蔚（Janet）今日就帶咗兩個囝囝出去公園玩，而且仲喺社交網甫埋片添！片中見大仔TJ（洪大仁）化身漫畫人物喺公園玩瀡滑梯，瀡完落嚟，又爬番上去，真係夠晒有活力！而戴住紅色帽嘅細仔JT（洪竟琋）亦都唔輸蝕，喺遊樂場設施上面四圍走，之後仲好開心咁玩瀡滑梯，JT笑起上嚟真係同爸爸洪天明一模一樣！
急搵網友介紹醫生
雖然Janet好開心咁帶咗兩個囝囝去玩，不過佢喺留言中透露自己一對眼突然紅晒，搞到佢唔夠膽帶Con，仲問一班網友有冇眼科醫生介紹，Janet留言：「Sunday funday! 唔知點解我兩隻眼都紅晒。好彩不嬲都有配有近視嘅黑超。真係唔敢帶Con。係唔係紅眼症啊？今日星期日冇得睇醫生。大家有冇好嘅眼科醫生介紹呢。如果聽日起身都仲係咁我就要去睇醫生」一班網民見Janet病咗都帶兩個囝囝去玩，都大讚佢係廿四孝媽媽，仲叮囑佢要快啲去睇醫生添！
來源 source: http://hk.on.cc
|
鍾意就快D Share啦！
|
|
|