翁虹同倪詩蓓為關懷自閉兒童盡心盡力～
已為人母的翁虹最近與慈善團體合作，將於下月在演藝學院舉行一連兩場的舞劇《愛．舞 - 給孩子一個夢》籌款活動，身為愛心大使的她屆時除了展示舞技外，還聯同一班特殊學童一起演出，活動所得的善款，將全數撥入「自閉症職涯規劃」，今次將會是翁虹自畢業30年後重返母校演出的一次，坦言對此甚為期待。
翁虹透露當初從慈善團體「愛．傳遞」發起人兼老友Kitty口中獲悉此計劃時，即二話不說答應，更不收分文力撐，打盡友情牌力邀楊怡、馬浚偉、謝天華、倪詩蓓、劉玉翠等以不同形式支持，她謂：「盡自己能力幫，其實我都係啱啱喺深圳做完嘢，同老公申請一日嚟香港宣傳，聽日就走。我覺得自閉症唔係傳染病，但一小撮人會有無知思想好抗拒，所以只要一個友善笑容，對佢哋嚟講已經足夠。」
倪詩蓓分享照顧兒子點滴
至於育有一名18歲、患有嚴重自閉症兒子的倪詩蓓，亦有現身分享照顧病患時的點滴，坦言雖然全副心機時間用在兒子身上的確辛苦，亦搞到傷痕纍纍，但從未想過放棄，反而積極發掘幫助兒子病情的方法，她謂：「咁多年我除咗修讀有關課程，再加埋經驗，都會透過網上同一啲同樣有自閉症小朋友嘅家長交流，好似我鍾意整嘢食畀個仔，雖然佢18歲，但智商都係小朋友，所以食物方面就會整成得意圖案嚟吸引佢哋咁！（爸爸黃玉郎有冇見囝囝？）都會安排嘅！（安排兒子演出舞台劇？）唔會因為演出日子撞正我歌友會演出，另一日就全日湊仔，所以今次我主要嚟畀意見大家，等大眾關注多啲自閉症兒童。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|